Ætlar Þorgerður að gera sig gilda á ný?

Hin kaþólska Þorgerður Katrín Gunnarsdóttir hefur miklar áhyggjur af fyrirhuguðum niðurskurði á St. Jósefsspítala og telur hann ótækan með öllu, enda hvorki meira né minna en heilir 10 km í næsta spítala.

Þorgerður hefur ekki lagst gegn niðurskurði á spítölum úti á landi. Eðlilega finnst henni niðurskurður og lokun úti á landi nærtækari enda víðast aðeins 100 til 150 kílómetrar á milli spítala þar og því lítið mál þó einhverjum þeirra sé lokað og vegalengdin tvöfölduð sem keyra þarf með sængurkonur, sjúka og slasaða.

Það var aldeilis fengur að fá kerlinguna aftur inn á þing.

Þorgerður Katrín óskar eftir fundi

Athugasemdir

[hilmar jónsson, 11.10.2010 kl. 22:38]

Skil ekki hvernig fólk getur látið það yfir sig ganga að fá Þorgerði aftur á þing.

[Axel Jóhann Hallgrímsson, 11.10.2010 kl. 22:42]

Einn maðkur, til eða frá, í maðkaboxinu breytir ekki öllu.

[Árni Gunnarsson, 11.10.2010 kl. 22:56]

Ekki svo galin samlíking þessi með maðkaboxið!

[Hamarinn, 12.10.2010 kl. 07:01]

Hún hreyfði ekki mótmælum við því þegar styrkjahöfðinginn ( mútuþeginn) ætlaði að loka spítalanum og færa vini sínum Róbert Vestmann verkefnin.

[Bergljót Gunnarsdóttir, 12.10.2010 kl. 07:19]

Mér finnst hún eiga bara að fara rakleiðis heim aftur og læra að skammast sín. Það er líka afleitt að hafa engar reglur um svona afturbatapólitíkusa, sem koma inn á ný, eftir að hafa setið heima í nokkra mánuði og halda þá að allir séu búnir að gleyma öllu. Málið er bara ekki svo einfalt, við höfum flest engu gleymt. Burt með hana og hennar lóka.

[doctore (IP-tala skráð) 12.10.2010 kl. 09:31]

Þorgerður er eitt af meinum íslands, á meðan hún er til staðar í stjórnmálum, þá getur enginn lækning orðið, alveg eins og með krabbamein; Það verður að taka allt.. eða það kemur aftur.

[Ólafur Ingi Hrólfsson, 12.10.2010 kl. 10:51]

Þið eruð stórkostleg -í fyrsta lagi var konan kosin í lýðræðislegu prófkjöri - síðan í lýðræðislegum Alþingiskosningum - hún er ekki borin sökum í Rannsóknarskýrslu Alþigis né í skýrslu þingmannanedndarinnar.

Þið viljið hafna lýðræðinu með kröfu ykkar um að hún "fari" - Í lokaorði Bergljótar vænti ég að sé innsláttarvilla.

Þorgerður eins og allir viti bornir þingmenn er á móti þeim gífurlega niðurskurði sem fyrirhugaður er -

Og gott fólk - Þorgerður er vissulega Kaþólsk - er hún þá líka óhæf þess vegna eins og lesa má af skrifum Axels Jóhanns?

Sú staðreynd að hún er kona gerir hana þá kanski líka óhæfa.

Þorgerður er fullgildur þingmaður - það er hinsvegar eðlilegt að þið óttist hana  hún hefur hæfileika langt umfram meginþorra þingmanna stjórnarinnar -

og er í betri tengslum við fólkið en sá hópur virðist vera.

[Bergljót Gunnarsdóttir, 12.10.2010 kl. 11:53]

Sem kona var hún auðvitað fullgildur þingmaður. Trúfrelsi ættu allir að hafa, og ekki ætla ég að skipta mér af því, það er hvers og eins að ákveða.

Auðvitað var þetta innsláttarvilla, mér kæmi síst í hug að vera með ruddaorðbragð.

Hvers vegna var hún þá að biðjast afsökunar, svona líka voðalega "sorry" og hverfa af þingi? Vildi hún kannski bara komast í frí frá allri vitleysunni og sá ekki betri leið?

Já ég óttast hana, ekki vegna gáfna eða hæfileika, heldur vegna þess að hún virðist eins og svo margir þingmenn í dag hafa gleymt að það var einu sinni lýðræði í þessu landi, lýðræði sem allir keppast um, í stjórn eða stjórnarandstöðu að fótumtroða.

[Axel Jóhann Hallgrímsson, 12.10.2010 kl. 12:28]

Þakkir fyrir þitt innlegg Bergljót og bloggvináttuna. Auðvitað átti Þorgerður ekki að snúa aftur á þing, það átti Björgvin ekki heldur að gera.

[Axel Jóhann Hallgrímsson, 12.10.2010 kl. 13:00]

Ólafur, voru ekki allir þingmenn kosnir á lýðræðislegan hátt? Flestir að undangengnu prófkjöri, forvali eða hvað þetta heitir allt. Fæstir þingmanna eru nefndir í rannsóknarskýrslunni en liggja samt sem áður undir kröfu um afsögn og brotthvarf.

Þetta ættir þú að vita, en sérð ekki því þú horfir yfir sviðið og metur menn eftir pólitík óháð frammistöðu eða tengslum þeirra við hrunið. 

[Ólafur Ingi Hrólfsson, 12.10.2010 kl. 13:02]

Bergljót - hversvegna ert þú á móti því að fólk sem er kosið í prófkjöri og Alþingiskosningum sitji á þingi ? Til þess að víkja því af þingi þarf að dæma það - hefur hún verið dæmd fyrir eitthvað?

Hún baðst afsökunar á mistökum - sem voru ekki og eru ekki lögbrot - sínum og fleiri mættu gera slíkt hið sama - sagði af sér sem varaformaður enda vissi hún hvaða lágkúru í hópi andstæðinga flokksins færu í gang - hún vék af þingi meðan verið var að fara í gegnum málin almennt - og tekur síðan sitt lögbundna æti að því loknu -

Hún hefur engu gleymt varðandi lýðræði - það hafið þið gert sem viljir hrekja lýðræðislega kjörið fólk af þingi -

Þú ert að rugla saman lýðræðinu sem Þorgerður ver og stendur fyrir - og skrílræðinu sem þið Axel aðhyllist - ásamt Hilmari að sjálfsögðu -

[Axel Jóhann Hallgrímsson, 12.10.2010 kl. 13:44]

Ólafur, er einhver lýðræðislegur munur á þingmönnum innbyrðis?  

Eru Sjálfstæðisþingmenn lýðræðislegar kjörnir en aðrir?

[Ingibjörg Axelma Axelsdóttir, 12.10.2010 kl. 13:58]

Ólafur, um daginn fór ég út í búð.

Mi vantaði mjólk, svo ég fór í þar til gerðan kælir. Ég valdi eina fernu úr rekkanum, hún hafði allar réttu merkingarnar. Hún var ekki útrunnin, þetta var nýmjólk en ekki léttmjólk. Að því er virtist, var þetta rétta fernan fyrir mig.

Er ég hafði greitt fyrir vöruna, lallaði ég heim á leið. Þegar þangað var komið ákvað ég að fá mér eitt mjólkurglas, er mér þykir mjólk einstaklega góð. Ég opnaði fernuna, og hellti í glas og í ljós kom að innihaldið  var helúldið og súrt.

Ég lét mér þó ekki detta það í hug, að þetta væri mér að kenna; þótt ég hefði vandað mig einstaklega við valið á mjólkurfernu, og greitt fyrir viðkomandi fernu. Heldur fór ég aftur út, og skilaði þessari fernu aftur út í sjoppu og fékk nýja..

Sá valmöguleiki, þótti mér nokkuð lýðræðislegur.

[doctore (IP-tala skráð) 12.10.2010 kl. 14:56]

Óttast einhver Þorgerði... vá, hverjum dytti í huga að óttast konu sem var á kafi í spillingu með manni sínum... konu sem hefur ekki séð ástæðu til að segja sig úr kaþólsku kirkjunni, þó öllum sé það ljóst að þar á ferð er stærsti og elsti barnaníðingssöfnuður heimsins... bara það eitt segir mér að konan er óhæf með öllu.. .eiginlega skömm

[Bergljót Gunnarsdóttir, 12.10.2010 kl. 15:54]

Skrílræði segir þú Ólafur, mér sýnist það bara tröllríða öllu í dag, hvar sem litið er. Er Sjálstæðisflokkurinn eitthvað undanskilinn í því? Lýðræðið er að gefa upp andann, ef það er ekki bara steindautt nú þegar. Sjálfst.flokkurinn stærir sig af hverri liðleskjunni á fætur annarrii og stjórnarflokkarnir eru ekkert betri.

Við sem eigum að kjósa yfir okkur nýja ríkisstjórn, væntanlega á næstunni, stöndum bara ráðþrota. Ef ekki koma fram ný öfl, helst afl, verður þetta bara sami grautur í sömu skál, hvort sem litið er til hægri eða vinstri, og hvorugir eiga þakkir skildar fyrir "stjórnarstörf" undanfarinna ára.

Eru allir búnir að gleyma undanfara hrunsis og þátt Sjálfstæðisflokksins í því?

En asskoti varstu heppinn að lenda í því að segja sannleikann óvart, og á ég þá  við "æti". 

[Hamarinn, 13.10.2010 kl. 20:00]

Yfirbullari og hirðfífl sjálfstæðisflokksins Ólafur Ingi, er samur við sig, hann sér ekkert athugavert við sinn GUÐDÓMLEGA flokk, enda er hann syndlaus í hans huga.