Eiga fallegir kennarar að ganga í búrkum?

Það gengur auðvitað ekki að kennarar séu snoppufríðir og þokkalega lagaðir til líkamans ef ekki á illa að fara í námi auk þess sem slíkt getur haft áhrif á siðferði og mannlegar kenndir og stuðlað að aukinni hörku í skólastarfinu.

Það er allavega mat þessara foreldra í Mílan á Ítalíu, sem frá segir í fréttinni, og tóku barn sitt úr kaþólskum skóla því þau töldu barninu standa ógn af fegurð eins kvenkennarans.

Það væri sjálfsagt ráð að skikka kvenskyns kennara til að ganga í búrkum,  fari fríðleiki þeirra upp undir þau mörk sem valdið geta aukinni hörku hjá ungum mönnum og stúlkum að sjálfsögðu líka, halli landinu þannig.

Of kynþokkafull til að kenna börnum

Athugasemdir

[Grefill, 21.10.2010 kl. 20:58]

Þetta er hræðilegt mál og skólayfirvöldum auðvitað til skammar að ráða kennara í vinnu sem geta skaðað námsárangur barnanna með því að vera vel af guði gerðir.

Svona tilburði verður að stöðva strax í fæðingu annars getur þetta breiðst út, jafnvel hingað til lands.

[Axel Jóhann Hallgrímsson, 21.10.2010 kl. 21:06]

Það er full ástæða til að líta þetta alvarlegum augum!

Þetta er að mínu mati hámark leyfilegrar fegurðar á kvenkennara

[Grefill, 21.10.2010 kl. 21:26]

Einmitt. Sammála. Þarna á að setja mörkin.

[Kristján Jón Blöndal (IP-tala skráð) 21.10.2010 kl. 21:30]

Nú? - Er eitthvað betra að drepa börnin úr hræðslu...?

[Axel Jóhann Hallgrímsson, 21.10.2010 kl. 21:51]

Nei auðvitað ekki Kristján,  þess vegna eru þetta neðri mörkin:

[Hamarinn, 21.10.2010 kl. 22:27]

Er þetta ekki nýjasta myndin af Davíð Oddsyni?

[Davíð Þór Þorsteinsson, 22.10.2010 kl. 05:37]

Hvað er að ykkur? Þetta er semi sjúkt. Þekkt fyrirsæta, fyrrverandi eða ekki ætti ekki að kenna börnum. Hefur vond áhrif á þau.

Þetta hefur ekkert með útlit að gera heldur hún að hafa áhrif á krakkana með þessari athygli að hún sé fyrirsæta og eigi ansi kynferðislegar myndir af sér, og hefur þá sérstaklega áhrif á stelpur sem hún er að kenna að hún sé fræbær ímynd.

Og strákarnir eru örugglega oft að skoða fyrirsætumyndirnar hennar. :):):)

Er það ekki kannski sem þið viljið you pedos? Að litlir krakkar fari strax að pæla í að vera perfect og fyrirsætur eru æðislegar? 7 ára frænka mín sem er lítil mjó stelpa passar sig að borða ekki fitu því hún er hrædd um að hún verði kannski ekki "flott".

Mbl er ömurlegur miðill eins og allir fréttamiðlar, mikið af þessum fréttum hagnast ekkert í daglegu lífi, ég les íþróttir, tækni og vísindi og það sem gefur manni vitsamlega þekkingu, margar fréttir eru illa sagðar frá eins og þessi hér þar sem point-ið er að hún er "fyrrverandi" fyrirsæta.

[Grefill, 22.10.2010 kl. 06:18]

Svona, svona Davíð minn, hvar er umburðarlyndið? Við pedóarnir verðum líka að fá okkar skammt af uppörvandi fróðleik, alveg eins og þið vitsmunaverurnar.

[Axel Jóhann Hallgrímsson, 22.10.2010 kl. 09:20]

Ég bið þig innilega afsökunar á því að þú skulir hafa farið öfugumegin  framúr í morgun Davíð.

[Hvumpinn, 22.10.2010 kl. 16:42]

Aulalega þýdd frétt af einhverjum unglingnum á "monitor" sem er að lesa breska vefsíðu og veit ekki að borgin heitir Mílanó, bæði á ítölsku og skv. hefð á Íslandi.  Milan er ensk afbökun, svona svipað og Munich.  Slappt, arfaslappt.

[Geiri (IP-tala skráð) 22.10.2010 kl. 19:56]

Davíð Þór: Já frábær skilaboð til barna að fólk megi ekki fá annað tækifæri í lífinu og að það eigi að refsa þeim það sem eftir er fyrir fortíðina.

Maður hefði haldið að púristar myndu fagna því að kona ákveði að yfirgefa þennan bransa. En þarf þá ekki að gefa þeim tækifæri á að gera eitthvað annað í staðinn?

[The Truth Shall Set You Free... (IP-tala skráð) 22.10.2010 kl. 21:20]

Öfundin er ljótur löstur sem engin manneskja með sjálfsvirðingu ætti nokkurn tíman að láta eftir sér. Besta fegrunarmeðalheims er að samgleðjast náunga sínum gjafir hans. Og þessi eiginleiki er einmitt aðalsmerki allra innri sem ytri fegurðardísa.

[Axel Jóhann Hallgrímsson, 22.10.2010 kl. 21:42]

Hvar kom öfundin inn í þessa umfjöllun.