„Mafía er hún og Mafía skal hún heita“

„Mafía er hún og Mafía skal hún heita“ sagði Ólafur Jóhannesson forðum um ritstjórn Vísis. Þessi orð gætu allt eins átt við um tryggingarfélögin Íslensku sem farið hafa ránshendi um fébætur skjólstæðinga sinna, áratugum saman í skjóli íhaldsmafíunnar, og látið tilganginn helga meðulin.

Sjúkt og slasað fólk er í það óendanlega dregið á bótagreiðslum þar til það í neyð sinni verður að samþykkja tilboð tryggingarfélagana um smánargreiðslur sem yfirleitt nema aðeins broti af bótafjárhæðinni.

Þetta síðasta sótsvarta dæmi um ósvífni og lágkúru tryggingafélagsins Sjóvá, sem greint var frá í fréttum Stöðvar2 og í þessari frétt á Vísi.is, þar sem tryggingafélagið stal 2/3 af slysabótum mans upp í ógreidd iðgjöld fyrirtækisins, sem hann vann hjá, hlýtur að vera kornið sem fyllir mælinn.

Íslenska ríkið, sem lagði 12 milljarða inn í þennan Sjóvá ræningjaklúbb, honum til bjargar, hlýtur að sjá til þess  Sjóvá og önnur tryggingarfélög taki upp ný og  mannsæmandi vinnubrögð og komi fram af virðingu við sjúka og þjáða bótaþega.

Athugasemdir

[hilmar jónsson, 2.1.2011 kl. 22:06]

Þetta er fáheyrð ósvífni.

[Bergljót Gunnarsdóttir, 3.1.2011 kl. 04:41]

Mann setur bara hljóðan.

[Gústaf Níelsson, 8.1.2011 kl. 01:11]

Ertu búinn að ræða þetta við Steingrím J. manninn, sem setti alla skattpeningana í kompaníið? Hefði ekki verið best að láta Sjóvá gossa og greiða bætur til þeirra sem sannanlega áttu rétt á bótum og láta þar staðar numið?

Ertu með kenningu um hvers vegna það var ekki gert? Steingrímur J. ber alla ábyrgðina, enginn vafi.

[Axel Jóhann Hallgrímsson, 8.1.2011 kl. 21:24]

Kanntu þann "brandara" Gústaf, sem vinir þínir, þín megin veggjar hefðu sagt ef þetta hefði farið á þann veg sem þú lýsir, sem eflaust hefði verið skárst, héðan frá séð.