Minkarnir í hænsnakofanum

Birgitta Jónsdóttir þingkona var í Kastljósinu í kvöld að ræða um kröfu Bandaríkjastjórnar að fá afhenta tölvupósta og önnur gögn varðandi hana eins og tíðrætt hefur verið í fréttum.

Fátt nýtt eða merkilegt kom fram í því bragðdaufa rabbi en rúsínan í pylsuendanum var þegar Helgi spurði hana út í Mark Kennedy flugumann bresku lögreglurnar, sem starfaði með Saving Iceland. Eftir fálm og fuður Birgittu að sverja af sér manninn kom bomban.

Birgitta sagðist aldrei hafa hitt ofbeldishneigðan aðgerðarsinna. Komið hefði í ljós að alltaf þegar ofbeldi eða skemmdarverk hefðu verið unnin þá hefðu verið að verki löggur í dulargervi, sem hefðu laumað sér inn í hópinn!!

Ekkert minna!

Menn hljóta þá að spyrja sig hvor níumenningarnir sem ákærðir eru fyrir árásina á Alþingi séu, eftir allt saman,  á launaskrá lögreglunnar!

Dulbúin lögga í fararbroddi mótmæla

Athugasemdir

[Bergljót Gunnarsdóttir, 15.1.2011 kl. 04:12]

Níumenningarnir svokölluðu sem yfirvöld heimta að séu níu, eru allmiklu fleiri. Ég er amma einnar af þessu unga fólki sem var þarna að verki, en var ekki handtekin. Hún heimtar að það sama gangi yfir sig og aðra af "skrílnum" eða "stjórnleisingjunum", en alveg fyrir dauðum eyrum.

Það er undarlegt að ungu fólki sem stendur saman í því að mótmæla óréttlæti sem því finnst ríkisstjórnin leiða yfir sig og afkomendur sína, skuli ekki sitja við sama borð. Nei, nei, sumir skulu dregnir fyrir dómstóla, aðrir dæmdir ómerkir og ekki einu sinni svara verðir, þrátt fyrir ítrekaðar beiðnir um að fá sömu réttarmeðferð og hinir níu "glæpamennirnir".

So help me god!   !

[Bergljót Gunnarsdóttir, 15.1.2011 kl. 04:20]

Það er alveg ótrúlegt að meðhöndla vel menntað ungt fólk með rettlætiskennd á þennan hátt. Handtaka eitthvað úrtak og hundsa hina - til hvers?

Svo má bæta við , hvers vegna er þessi hópur kallaður stjórnleysingjar?

[Jóhann Elíasson, 15.1.2011 kl. 15:53]

Það eru örugglega ALLIR "níumenningarnir" á launaskrá lögreglunnar og það sem verra er þetta eru þá allt "flugumenn" og stórhættulegt að þessi skríll gangi laus á meðal landsmanna.

[Bergljót Gunnarsdóttir, 15.1.2011 kl. 16:39]

Ég vona að þú sért að grínast Jóhann.

[Axel Jóhann Hallgrímsson, 15.1.2011 kl. 17:01]

Ég geri greinarmun á friðsömum mótmælum og mótmælum þar sem ofbeldi og skemmdarfíkn eru ráðandi. Ekki þarf nema nokkra einstaklinga í hópnum til að breyta ásýnd friðsamra mótmæla í skrílshátt.  Ef grjóti er kastað og rúða brotin hlýtur sá sem steininum kastaði að vera ábyrgur en ekki hópurinn sem slíkur. Ég hélt að það lægi í augum uppi.

[Axel Jóhann Hallgrímsson, 15.1.2011 kl. 17:02]

En hvað um þá fullyrðingu Birgittu í Kastljósinu að allt ofbeldi aðgerðasinna bæri að skrifa á dulbúnar löggur í hópnum?

[Jóhann Elíasson, 15.1.2011 kl. 20:10]

Nei Bergljót ég er ekki að grínast í rauninni finnst mér þetta grafalvarlegt mál, ég get alls ekki litið á þennan "ruslaralýð" sem einhverja saklausa mótmælendur.  Þó við Axel séum ekki oft sammála, þá er ég honum alveg sammála í þessu máli.

[Bergljót Gunnarsdóttir, 16.1.2011 kl. 21:17]

Ég get alveg fullyrt og staðið við það að barnabarnið mitt og félagar hennar eru enginn ruslaralýður. Það má kannski frekar hengja þá nafnbót á þá sem búa til fréttirnar og eru ekki alltaf jafnvandir að meðulum.

[Axel Jóhann Hallgrímsson, 17.1.2011 kl. 01:12]

Bergljót, ég ætla ekki barnabarni þínu að teljast til ruslaralýðs. En afhverju óskar það þá þess að vera teljast til þess hóps sem réðst á Alþingi?

Ég get ómögulega séð, hvernig sem ég reyni, hvernig hægt er að réttlæta þá árás sem eithvað annað en lögin segja um nákvæmlega þannig atburð.