Heyrði ég rétt, hlakkar í stjórnarandstöðunni?

Ég hélt að Ólöf Nordal Sjálfstæðisflokki og Vigdís Hauksdóttir Framsóknarflokki ætluðu báðar hreinlega að kafna, á Alþingi áðan, af áfergju og ánægju yfir dómi hæstaréttar, sem kippti til baka einhverju mesta lýðræðisframfaraskrefi sem stigið hefur verið á Íslandi frá því Alþingi var endurreist.

 

Það er fráleitt að stjórnlagaþingið verði slegið af, nú þarf aðeins að leiðrétta kúrsinn og gera það sem þarf til að þingið nái fram að ganga. Við Íslendingar erum því vanastir að eflast við mótlæti, leiðrétta gerð mistök og halda ótrauð áfram en ekki  að lyppast  niður eða rýna út í hornin eins og stjórnarandstaðan virðist leggja til.

  

Íhaldið er „skíthrætt“

Athugasemdir

[Skúli (IP-tala skráð) 25.1.2011 kl. 18:35]

Skrítið.  Vigdís sem var ein af þeim sem studdu málið, og sátu Sjallarnir ekki hjá?

[Lúðvík Júlíusson, 25.1.2011 kl. 18:37]

sammála

[Axel Jóhann Hallgrímsson, 25.1.2011 kl. 18:50]

Jú það er rétt hjá þér Skúli, Vigdís Hauksdóttir greiddi atkvæði með stjórnlagaþinginu, en hún hefur blessunin, verið búin að steingleyma því í dag, þegar hún lýsti ábyrgðinni alfarið á forsætisráðherra.

[Brynjar Þór Guðmundsson, 25.1.2011 kl. 19:15]

Hvað kusu margir gegn stjórnlagaþinginu með því að kjósa ekki?

Hvað kusu margir gegn breytingunum? 7 af hverjum 10!!!

ÞAÐ ER EKKERT LÝÐRÆÐI Í ÞESSU

[Axel Jóhann Hallgrímsson, 25.1.2011 kl. 19:32]

Það kaus engin gegn stjórnlagaþinginu með því að sitja heima. Heimasetuatkvæði eru hvergi talnin með í kosningum, það gera aðeins greidd atkvæði á kjörstað.

[Brynjar Þór Guðmundsson, 25.1.2011 kl. 19:42]

Annað segja þeir sem heima sátu

[hilmar jónsson, 25.1.2011 kl. 20:31]

Íhaldið er enn með hæstarétt í vasanum, það er nokkuð ljóst.

Nú verður þjóðin einfaldlega að berjast fyrir réttlætinu og koma í veg fyrir að íhaldið nái að  stöðva  breytingar á stjórnarskránni.

Auðvitað vitum við að íhaldið vill viðhalda því staðnaða kerfi sem nært hefur spillingarklíkurnar.

Ég skora á fólk að kynna sér bakgrunn þessara þriggja kærenda og pólitískrar afsöðu þeirra..............XD

[Axel Jóhann Hallgrímsson, 25.1.2011 kl. 20:37]

Ástæður heimasetu eru örugglega eins misjafnar og þær eru margar Brynjar.

Ég þekki fimm kjósendur sem ekki fóru á kjörstað. Enginn þeirra segist hafa setið heima til að mótmæla kosningunum eða stjórnlagaþinginu sem slíku eða hlutverki þess.

Þú hefur ekkert nema illgirnina til að gefa þér að einhver samantekin boðskapur sé í heimsetu kjósenda.

Mikið er látið með "lýðræðisríkið" Bandaríkin af Sjálfstæðismönnum, þeim sem hvað mest hafa óskapast yfir stjórnlagaþinginu og kosningunum til þess og gera lítið úr "lýðræðinu" vegna dræmrar þátttöku.

Engan sjálfstæðismann hef ég heyrt segja að skortur sé á lýðræði í Bandaríkjunum vegna dræmrar þátttöku í kosningum þar vestra. Þar þykir gott ef þátttaka í þing- og forsetakosningum nær því sem hér varð í stjórnlagaþingskosningunum.

Enginn Íslenskur aðdáandi orðar það, að einhver sérstakur boðskapur sé falin í heimasetu 60 til 70 prósent kosningabærra Bandaríkjamanna!

[Axel Jóhann Hallgrímsson, 25.1.2011 kl. 20:48]

Hún var brosleg Hilmar, hún Ólöf Nordal í Kastljósinu áðan. Ögmundur sagði að einhverjar aðrar ástæður væru fyrir andstöðu sjálfstæðismanna gegn stjórnlagaþinginu en tal þeirra um skort á vönduðum vinnubrögðum. En nú væri tækifærið að bæta úr því og þingið gæti sameinast um að vanda málið og koma því í höfn.

Ólöf var fljót til svars og skaut sjálfa sig í kaf þegar hún hreytti út úr sér: "Nei það gerum við ekki!"

[Elias Bjarnason (IP-tala skráð) 25.1.2011 kl. 20:49]

Skiljanlega eru stuðningsmenn stjórnlagaþings vonsviknir yfir úrskurði Hæstaréttar. En í stað þess að viðurkenna að illa var staðið að undirbúningi og lagasetningu fyrir kosningarnar og ríkistjórn ,,fólksins í landinu'' er orðin uppvís að enn einu klúðrinu, kjósa þeir að hnýta í Sjálfstæðismenn. Ég tel mig vera einn slíkan og fór og kaus til stjórnlagaþings. Ég var hinsvegar á móti því að viðhafa þessa aðferð og var á móti því að að málið væri keyrt í gegn á þingi með miklum hraða, illa reifað og illa undirbúið. Því miður hefur komið í ljós að áhyggjur mínaqr og þúsunda annara, ekki bara stjórnarandsrtæðinga, því hafi allir stjórnaráhangendur tekið þátt í ksoningunum hefði væntanlega kjörsókn verið ögn betri, eða hvað! Hafra menn gert könnun á þvi hversu margir stjórnarandstæðingar tóku þá í kosningunum? Léleg þáttaka var kannski bara Davíð að kenna?

Ræða Þráins Bertelssonar á Alþingi 8. júní 2010 þegar rætt var um stjórnlagaþingið segir ýmislegt. Þar sagði Þráinn meðal annars, en hann var fjarverandi við lokaafgreiðslu málsins:

"Frú forseti. Inn í þennan þingsal berast raddir, það heyrast köll, það er kallað eftir auknu lýðræði, betra stjórnarfari og það er kallað eftir einhverju sem heitir stjórnlagaþing svo núna er til meðferðar frumvarp til laga um stjórnlagaþing. Vissulega fjallar þetta frumvarp um stjórnlagaþing í þeim skilningi sem leiðtogar stjórnarflokkanna leggja í það orð. Ég efast um að sá skilningur sé réttur, ég held að þetta frumvarp til laga um stjórnlagaþing sé ekki svar við því ákalli sem heyrst hefur og hefur borist inn í þessa sali. Það er kallað eftir auknu lýðræði, það er kallað eftir því að hlustað sé á allar raddir samfélagsins úr öllum hornum þess og afkimum.

Enginn hefur kallað eftir því að kosinn verði 25–31 fulltrúi til að gera nokkurn skapaðan hlut. Fólk hefur kallað eftir því að rödd þess megi heyrast. Þess vegna er ég andsnúinn þessu frumvarpi og tala gegn því hérna. Lýðræði er okkur öllum hjartans mál, ég dreg það ekki í efa. Ég efast ekki um að allir þeir sem sitja hér á þingi séu einlægir lýðræðissinnar. En þá vildi ég að þessi lýðræðisást þingmanna birtist í lýðræðislegum vinnubrögðum. Skynsamleg vinnubrögð virðast vera okkur ofviða oft og tíðum, en lýðræðisleg vinnubrögð gætum við þó haft í hávegum. Lýðræðisleg vinnubrögð eru fólgin í því að taka tillit til allra sjónarmiða, að vaða ekki á skítugum skónum yfir þá sem ekki eru sama sinnis. Það er inntak lýðræðisins. Það frumvarp til laga sem hérna liggur frammi er dæmi um það hvernig meiri hluti ætlar að vaða á skítugum skónum yfir minni hluta. Meiri hlutinn er skipaður Samfylkingu og Vinstri grænum. Minni hlutinn samanstendur af Sjálfstæðisflokki, Framsóknarflokki, Hreyfingu og óháðum þingmanni. Það er ekkert tillit tekið til þess að það eru deildar meiningar um þetta frumvarp, það er lagt fram á lokaspretti núna á vorþingi og það á að reyna að rusla því í gegn svo hægt sé að kjósa til stjórnlagaþings í haust."

[hilmar jónsson, 25.1.2011 kl. 21:01]

Já Axel Ólöf er að líkjast úldinni herfu meir og meir með hverju deginum, bæði til orðs og æðis.

[Axel Jóhann Hallgrímsson, 25.1.2011 kl. 21:15]

Elías, ég hef enga heyrt, aðra en sjálfstæðismenn, flokka afstöðu kjósenda eftir mætingu eða ekki mætingu á kjörstað.

Auðvitað er ég vonsvikin, auðvitað eru þeir sem gerðu sér háar hugmyndir um stjórnlagaþingið vonsviknir. Ég hef ekki heyrt neinn mótmæla "dómi" Hæstaréttar eða neita því að mistök hafi verið gerð.

Við eigum tvo kosti í málinu, setja hendur í skaut og skíta í brækurnar eins og þingflokkur Sjálfstæðisflokksins leggur til eða að rísa upp, laga mistökin og gera það sem þarf til að koma þinginu á koppinn!

Hvort hugnast þér betur?

[Njáll (IP-tala skráð) 25.1.2011 kl. 21:59]

Auðvitað er flopp stjórnlagaþingsins Ólöfu og Vigdísi að kenna þar sem þær bentu á það frá byrjun.

[Gulli (IP-tala skráð) 25.1.2011 kl. 22:09]

Ég hef enn ekki áttað mig á hvaða tilgang fólk sá með þessu stjórnlagaþingi sem átti ekki að hafa neinn rétt annan en að spjalla saman. Hvorki stjórnlagaþingið né þjóðaratkvæðagreiðslan um niðurstöður þess eru á nokkurn hátt bindandi. Þetta hefur aldrei verið neitt annað en snuð til að stinga upp í og þagga niður í almenningi.

Þegar þjóðaratkvæðagreiðslunni er lokið er Alþingi frjálst að gera nákvæmlega það sem því sýnist með niðurstöðurnar, þær eiga bara að vera "leiðbeinandi" og því álíka mikils virði og skeinipappírinn á klósettum Alþingis.

Ef stjórnlagaþing á að þjóna einhverjum tilgangi þá verður það að vera bindandi og óháð Alþingi en væntanlega háð undirskrift forseta. Allt annað er bara framlenging á skrípaleiknum við Austurvöll. 

[Axel Jóhann Hallgrímsson, 25.1.2011 kl. 22:09]

Njáll, Hæstiréttur gerir aðeins athugasemdir við framkvæmd kosninganna ekki lögin.  Hvorug þeirra, Ólöf eða Vigdís gerðu athugasemdir við þessi atriði framkvæmdarinnar, málflutningur þeirra byggir á eftirá skýringum.

Og það sem meira er að Vigdís greiddi stjórnlagaþinginu atkvæði sitt, sjá hér- þótt það henti henni ekki að muna það núna. Þannig ber hún einnig ábyrgð á málinu.

[Axel Jóhann Hallgrímsson, 25.1.2011 kl. 22:17]

Það er rétt Gulli að niðurstaða stjórnlagaþingsins er ekki bindandi, þingið er ekki löggjafarþing og því þarf Alþingi að afgreiða málið lögformlega fyrir þjóðaratkvæðagreiðslu. Ég er ekki komin til með að sjá að Alþingi formi það að hræra í tillögum stjórnlagaþingsins og breyta þeim.

Þegar ný stjórnarskrá verður lögð fyrir þjóðina verður sú kosning bindandi, getur aldrei orðið annað það segir sig sjálft. Þjóðaratkvæðagreiðsla um eittvað annað væri markleysa.

[Axel Jóhann Hallgrímsson, 25.1.2011 kl. 22:50]

Ég þarf að leiðrétta það sem ég sagði í innleggi 9, það var ekki alveg í réttu samhengi hjá mér.

Sjá hér tímaskeið 14:30 til 16:20

Eftir smá aðdraganda segir Ólöf eitthvað á þá leið að þeir sem vilja halda þetta stjórnlagaþing verði þá að leggja fram nýtt frumvarp og vanda sig þá.

"Munuð þið styðja það"? spurði þá spyrillinn Sigamar.

"Nei við munum ekki gera það". Skríkti frúin.

"Þetta er það sem ég hef verið að segja" sagði Ögmundur, "um þetta snýst málið hef ég grun um."

"Nei það er rangt." ýlfraði varaformaður Sjálfstæðisflokksins.

[Arngrímur Stefánsson, 25.1.2011 kl. 23:52]

Ég sat heima líkt og öll fjölskylda mín og kunningjar einmitt í því skyni að mótmæla.  Ég held að maðurinn sem kommentaði fyrr hafi nokkuð til síns máls. 

Ef breytinga er þörf, líkt og látið hefur verið uppi held ég að undirskriftarlistar séu málið, að minsta kosti hefði undirskrifta listi með 100.000 nöfnum mun meira umboð en 25 manneskjur með 400-700 atkvæði hvort.  Auk þess væri það ódýrara. 

Hverju er annars hægt að kvarta yfir? Það var auðveldlega hægt að stela atkvæðum, þess vegna er kosningin ólögleg, og ekkert við því að gera.  Bara af því að þú ert ánægður með niðurstöðu ,,hugsanlegas'' kosningasvindl og ert þess vegna ósammála dómi segir bara hve lýðræðislegur þú ert í raun og veru.

[Axel Jóhann Hallgrímsson, 26.1.2011 kl. 00:02]

Ég held að þú hittir naglann á höfuðið Arngrímur þegar þú segir í fyrirsögn á eigin bloggi að: þú sért fúll og skrýtinn og hafir óeðlilegar skoðanir á öllu.

[Gulli (IP-tala skráð) 26.1.2011 kl. 07:31]

Axel, lögin um stjórnlagaþing segja það því miður hreint út að niðurstaða þess og þjóðaratkvæðagreiðslunnar þar á eftir er ekkert nema leiðbeinandi og engin heimild er veitt neins staðar til þjóðaratkvæðagreiðslu eftir umfjöllun þingsins þannig að sú leið yrði aldrei farin. Þingheimur kom þessu svona fyrir til að þurfa ekki að hlusta á fólkið.

[Axel Jóhann Hallgrímsson, 26.1.2011 kl. 12:56]

Gulli, það segir í 1. gr laga um stjórnagaþing að það sé ráðgefandi, það er fullkomlega eðlilegt orðalag því samkvæmt stjórnarskránni er löggjafarvaldið hjá Alþingi  og Alþingi verður því að setja afgreiða tillögur stjórnlagaþingsins um breytingar á stjórnarskránni, sem síðan verður lögð fyrir þjóðina til samþykktar eða synjunar.

Það er ekkert minnst á það í lögunum um stjórnlagaþingið að sú þjóðaratkvæðagreiðsla verði aðeins ráðgefandi, enda enda væri það fráleitt.

[Brynjar Þór Guðmundsson, 26.1.2011 kl. 15:46]

Alex, gengur það eitthvað hægt inn í hausinn á þér?

Lög voru þver brotin. Reglur um kosningar eru skýr og greinileg og algjörlega laus við alla frjálsa túlkun, svona svipað og morð, það fer ekkert á milli mála að manndráp er bannað með lögum. En hvernig er það er ekki þá hægt að fara og drepa nokkra menn bara af því að það er nóg til af því? Það yrði fordæmisgefandi fyrir alla löggjöf.

7 af hverjum 10 sátu heima, flestir(ef ekki allir) vegna þess að þeir voru ósáttir við stjórnlagaþingið, ég held að það þyrfti að hafa valmöguleika á að kjósa "Hafa stjórnarskránna óbreytta. Það var ekki sett vegna þess að þá hefði stjórnlagaþingið aldrei komist á laggirnar

[Pétur Harðarson, 26.1.2011 kl. 15:50]

Hún var ansi jöfn, grýlukeppnin á alþingi í gær. Jóhanna stal þó sigrinum í lokaræðu sinni þar sem hún æpti í geðshræringu að hún ætlaði ekki að leyfa íhaldinu að stela því sem hún var búin að henda í ræsið. Allir þeir sem stigu í pontu í gær voru alþingi til skammar eins og venja er orðin í þessari æðstu lýðræðisstofnun landsins. Enn og aftur er búið að sundra þjóðinni. Sumir kenna ríkisstjórninni um, aðrir íhaldinu, enn aðrir hæstarétti og svo eru þeir veruleikafirrtustu sem kenna ákærendunum um. Þetta er samt það sem ríkisstjórnin vill því á meðan er engin að pæla í því að yfir 40% fyrirtækja á landsbyggðinni eru á leið í gjaldþrot innan 12 mánaða eins fram kom í fréttum í dag. Húrra fyrir Jóhönnu! Hún fær Grýluna fyrir að vera versti leiðtogi sem sögur fara af.

[Axel Jóhann Hallgrímsson, 26.1.2011 kl. 16:56]

Það er eins og kerlingin sagði;"Það er víðar en hjá fleirum" skilningsleysið Brynjar, ég nenni ekki að tyggja þetta í þig. Svo heiti ég ekki Alex.

[Axel Jóhann Hallgrímsson, 26.1.2011 kl. 16:57]

Takk fyrir innlitið á mína aumu síðu, Pétur og þetta athyglisverða innlegg.