Skiljum kjarnann frá hisminu.

Ekki hvarflar að mér, sem var alla mína æsku aðnjótandi eineltis jafnt af hendi barna sem fullorðinna,  að gera lítið úr einelti og þeirri góðu eineltisumræðu sem farin er í gang í þjóðfélaginu, af gróflega gefnu tilefni.

En varðandi þessa VR frétt og aðrar svipaðar er rétt að segja HÆGAN, HÆGAN,  stíga varlega til jarðar  og athuga vel hvort þetta VR ástand eigi eitthvað erindi inn í eineltis umræðuna og önnur viðkvæm mál af svipuðum toga.

Það getur eyðilagt ávinning jákvæðra umræðu um eineltið ef fjölmiðlar og almenningur fara að hrópa einelti, einelti af minnsta tilefni.

Ósætti og „eitrað“ andrúmsloft á skrifstofu VR eða öðrum vinnustöðum stafar í flestum tilfellum af samskiptaerfiðleikum eða öðrum þáttum sem eiga  ekkert skylt við einelti  og  umræðuna um það.

Skiljum kjarnann frá hisminu, kaffærum ekki umræðuna um árans eineltið með  því að hræra saman við hana alls óskyldum málum.

Einelti á skrifstofu VR

Athugasemdir

[Óskar Guðmundsson (IP-tala skráð) 13.3.2011 kl. 18:22]

Það er það sem okkur íslendingum er verst farið. Við oftúlkum.

[Axel Jóhann Hallgrímsson, 13.3.2011 kl. 18:38]

Takk fyrir innlitið Óskar og þitt innlegg.