Íslenskt carnival í Vín

Jón Gnarr gerir það ekki endasleppt. Hann er þessa dagana í Austurríki að tala endanlega niður álit þarlendra á mörlandanum.  Það er mjög misráðið af Jóni og öðrum stjórnmálamönnum Íslenskum að tala niður framtíð Íslands verði Icesave fellt. Slíkt tal skaðar enga nema okkur sjálfa. Það gerir vanda málið aðeins stærra og illviðráðanlegra verði samningurinn felldur, sem getur allt eins orðið.

Jón Gnarr ætlar blessunarlega ekki að fara í landsmálin, þrátt fyrir fáheyrðar vinsældir, hann ætlar að einbeita sér að Reykjavík. Nema auðvitað ef ríkisstjórnin fellur þá ætlar hann að yfirgefa borgina sína góðu og alla aðdáendur og forða sér til Grænhöfðaeyja.

Ég hygg að Grænhöfðar  muni seint kunna okkur þakkir fyrir þá sendingu.

Ég var í fyrstu jákvæður gagnvart Jóni og Bestaflokknum, vildi gefa þeim séns og taldi að Jón Gnarr myndi fljótlega leggja  trúðinn Jón á hilluna og taka til við stjórn borgarinnar. En það er orðið fullljóst að milli þeirra tveggja verður ekki skilið. 

Bölsýnn borgarstjóri í Vín

Athugasemdir

[Ásdís Sigurðardóttir, 15.3.2011 kl. 15:24]

litli Hitler !!

[Axel Jóhann Hallgrímsson, 15.3.2011 kl. 15:26]

[Ásthildur Cesil Þórðardóttir, 15.3.2011 kl. 15:31]

Það fyndnasta við þetta er að allir þeir Vínarbúar og fleiri Austurríkismenn vilja burt úr ESB, þeir segja að þeir séu orðnir leiðir á að borga hærri skatta svo Spánverjar og Grikkir geti lifað  í vellystingum, svo segja þeir.  Þetta hefur því fallið í grýtta jörð þar trúi ég.

[Ásthildur Cesil Þórðardóttir, 15.3.2011 kl. 15:32]

Sem ég þekki og hef talað við, og var ég þarna síðast í einn og hálfan mánuð.

[Axel Jóhann Hallgrímsson, 15.3.2011 kl. 15:44]

Takk fyrir þitt innlegg Ásthildur.

[Skúli (IP-tala skráð) 15.3.2011 kl. 15:56]

Já hann virðist eiga eitthvað erfiða daga kallinn!  Líklega er þetta allt öðruvísi starf heldur en hann bjóst við...

[Ásthildur Cesil Þórðardóttir, 15.3.2011 kl. 16:00]

Svona til gamans, þeir kannast við hann í Vín.

Mér finnst félaginn líkjst Óttari Proppé. 

[Axel Jóhann Hallgrímsson, 15.3.2011 kl. 16:03]

Góður þessi!  Já Proppé er það,ekki vafi.

[Axel Jóhann Hallgrímsson, 15.3.2011 kl. 16:07]

Ég hygg að útséð sé Skúli, að Gnarrinn átti sig á því að fíflaháttur hentar ekki allstaðar og þá ekki sem stjórntæki, til langframa.

[Axel Jóhann Hallgrímsson, 15.3.2011 kl. 16:22]

Það hlýtur að vera Reykvíkingum gífurleg hvatning að segja Nei við Icesave, losi það þá við Gnarrinn.

[Bergljót Gunnarsdóttir, 15.3.2011 kl. 20:45]

Æi Axel, ekki þú líka. Hvernig nennið þið þessu.

[Axel Jóhann Hallgrímsson, 15.3.2011 kl. 21:26]

Ég hef fram að þessu borið blak af Gnarrinum en það eru takmörk fyrir öllu.

[Bergljót Gunnarsdóttir, 16.3.2011 kl. 00:07]

Hvað gerði hann svona voðalegt?

[Ásthildur Cesil Þórðardóttir, 16.3.2011 kl. 00:17]

Bergljót hann kemur fram sem trúður, við vilji, reyndar að fólk í okkar forsvari komi útmeð reisn,það hefur Jón Gnarr ekki gert,hann hefur komið fram sem einskonar kjáni sem ekkert veit og ekkert skilur. Ég hef orðið fyrir verulegum vonbrigðum með þennann mann og þá sem með honum standa, mér dettur í hug sagan um Keisarann sem kom fram nakinn af því að hann lét gjörsamlega plata sig upp úr skónum.   Þetta er eflaust góður drengur, en honum hefur einfaldlega farist of mikið í fang. 

[Bergljót Gunnarsdóttir, 16.3.2011 kl. 00:31]

Ég held við ættum að leyfa borgarstjóranum að finna sig í starfinu, ef það er þá hægt fyrir eilífum árásum og bölbænum.

Mér fyndist nær að snúa sér af alefli gegn spillingunni sem heldur bara áfram og áfram þrátt fyrir kreppuna. Væri ekki nær að snúa sér af alefli gegn bbbbbbbönkunum, er það furða þó þetta stam hafi komið fram í ritsmíðinni, eða bankastjórunum, tryggingafélögum, stórmörkuðum í byggingariðnaði etc. Viðbjóðurinn blasir allstaðar við, en fólki finnst samt betra að agnúast út í borgarstjórann sem er ekkert að vera okkur til skammar.

Ef honum tekst að verða einhverjum til skammar er það hann sjálfur, en ég held að flestum þarna í úlandinu finnist hann bara smáskrítinn og jafnvel svolítið fyndinn þegar þeir hugsa málið.

Við erum búin að eiga svo ótalmarga stjórnmálamenn í gegnum tíðina sem hafa virkilega ekki kunnað að hegða sér, verið dauðadrukknir og röflað út og suður, þó ekki hafi gerst nýlega mér vitandi, en Jón Gnarr er engin fyllibytta. Þá finnst mér stjórnmálamenn í dag, og á ég þá aðallega við ríkisstjórnina, vera landi og þjóð til háborinnar skammar í aðgerðarleysi og flumbrugangi.

Ég held að Jón sé bara að gera grín að öllum þeim sem taka hann alvarlega, enda var hann kosinn fyrir að lofa því að þetta yrði grín. Svo heldur fólk að hann breytist í einhvern kerfiskall þegar hann sest í stól borgarstjóra. Nei vinur minn, hann stendur við kosningaloforðin sem voru grín og rugl, enda sagðist hann ekki hafa hundsvit á stjórnmálum áður en hann var kjörinn og svo er fólk bara aldeilis stein standandi, gapandi hissa.

[Bergljót Gunnarsdóttir, 16.3.2011 kl. 00:37]

Það má alveg eins fylgja að ég kaus hann ekki