Vík milli vina

Mér þykir miður að S i g u r ð u r  Sigurðarson hefur slitið bloggvináttu okkar í kjölfar innleggs frá mér við eina færslu hans. Innleggið var að vísu hvasst, en að mínu mati ekki hvassara en tilefnið gaf.

Ég óska Sigurði velfarnaðar og alls hins besta í framtíðinni um leið og ég þakka honum góða og skemmtilega bloggvináttuna meðan hún varði.

Athugasemdir

[Óskar Helgi Helgason (IP-tala skráð) 26.3.2011 kl. 14:54]

Heill og sæll Axel Jóhann; jafnan !

Má vera; að Sigurði hafi runnið eitthvað í skap, sem hafi ekki samrýmst, mögulegri flokks hyggju hans.

Svo; kunna skýringar að vera fleirri.

Þú manst nú; þegar ég varpaði Sveini Rosenkranz Pálssyni, fyrir róða - úr mínum spjallvina hópi. Hann; hafði aftur á móti, marg gefið tilefni til þess, þóktist samsinna mér, í 2. hverri línu - var svo, með allskyns útúr snúninga, á hinn veginn.

Var búinn; að gefa honum tíma ærinn, til þess að laga sína þanka, þeim ágæta dreng - en; svo fór, sem fara vildi.

Mörgum er kunnugt; um orðastríð okkar Björns Birgissonar, jafnframt. En; ég hefi ákveðið, að láta af Orrahríð minni, gagnvart honum - og hann hefir ekkert sneitt að mér, um stund.

Vona; að þið Sigurður verðið dús - og; um einhverja fljótfærni kunni að hafa verið að ræða, í hans ranni, gagnvart þér.

En; ég get víst trútt um talað, þá mér sjálfum hefir hlaupið kappið í kinnina, stundum; einum of, svo hreinskilinn sé, fornvinur góður.

Með beztu kveðjum; í útsuður, yfir fjallgarðinn mikla /

Óskar Helgi 

[Axel Jóhann Hallgrímsson, 26.3.2011 kl. 15:17]

Takk fyrir þetta Óskar. Við erum oft breyskir þegar á reynir.

[Bergljót Gunnarsdóttir, 27.3.2011 kl. 01:03]

Mér finnst færslan hjá honum ömurleg, eiginlega á lægsta plani, þekki ekki fyrri blogg hans þannig að ég treysti mér ekki til að alhæfa neitt,  þó svo ég hafi sagt honum álit mitt á svona færslum og fengið útúrsnúning á móti.

[Axel Jóhann Hallgrímsson, 27.3.2011 kl. 02:00]

Sigurður eyddi mínu innleggi Bergljót, en það var einhvernvegin svona;

Ég veit ekki hver ykkar er aumkunarverðast Sigurður, þú, Þorgerður Katrín eða Björn Bjarnabensonur. Þorgerður sem fór upp í ræðustól Alþingis og taldi sig þar umkomna að veita Jóhönnu Sigurðrdóttur siðferðisádrepu. Bj. Bj. sem lét svo lítið að saka þá konu sem hvað mest hefur þokað kvenréttindum á Íslandi fram á veg um fals, maðurinn sem á Íslandsmet í að hafa að engu álit og umsagnir jafnvel álit Hæstaréttar, varðandi pólitískar mannaráðningar. Og þú slæst í för með þessum þokkahjúum og "falsar tölvupóst" til að slá þér upp við hlið þeirra með afar ósmekklegum hætti.Það verður fróðlegt að sjá hvort vinnuveitendur þínir í Sveitarstjórn Skagastrandar telji þessi skrif þín samrýmast starfskyldum þínum hjá sveitarfélaginu?Eftir því sem ég hef hlerað virðast fáir vita hverjar þínar starfskyldur eru hjá Sveirarfélaginu Skagaströnd, en núna skýrist það vonandi.