Hvað skal við þennan vandræðamann gjöra? Frammi fyrir þeim vanda stendur verkalýðshreyfingin.

Enn og aftur kemur Gylfi Arnbjörnsson, þessi maður  sem verkalýðshreyfingin af einhverjum óskiljanlegum ástæðum valdi  sem sinn helsta forsvarsmann, og verður sér og umbjóðendum sínum til skammar.

Þessari undarlegu tilraun verkalýðshreyfingarinnar að leiða hagfræðinga til æðstu valda í hreyfingunni hefur mistekist og hlýtur að teljast vera fullreynd.

Æðstu foringja sína á verklýðshreyfingin að sækja í sínar eigin raðir en ekki inn í hagfræðideild Háskólans.

Ég tel framtíðarleiðtoga verkalýðshreyfingarinnar vera Aðalstein Baldursson á Húsavík, því fyrr sem því verður til leiðar komið, því betra.

  

„Verðum að byrja upp á nýtt“

Athugasemdir

[Eyþór Örn Óskarsson, 10.4.2011 kl. 00:54]

Það þarf að fá annan Gvend Jaka fram á sjónarsviðið - mæli með manninum frá Akranesi..............

[Axel Jóhann Hallgrímsson, 10.4.2011 kl. 01:20]

Ég hef áður sagt að tvö verkalýðsfélög á landinu hafi  staðið upp í hárinu á ASÍ klíkunni í hagsmunagæslu fyrir sína umbjóðendur, félagið á Akranesi og Húsavík. Ég hef haft kynni af Aðalsteini og treysti honum.

[Anna Sigríður Guðmundsdóttir, 10.4.2011 kl. 03:04]

Ég tek undir með Eyþóri. Akurnesingnum er treystandi. Sá maður þekkir stritið af eigin reynslu.

 Þekki ekki til reynslu Húsavíkur-náungans til að geta tjáð mig um hann.

 M.b.kv.

[Már (IP-tala skráð) 10.4.2011 kl. 03:15]

Akranes gaurinn er flottur í dæmið. Hefur sannað það í gegnum árin.

TEk þín orð fyrir Húsavíkur náungans líka. Það þarf fólk sem elskar að berjast

fyrir réttlæti. En klíkurnar ríghalda í stjórnarstólana í öllum valdastofnunum á landinu.

[Axel Jóhann Hallgrímsson, 10.4.2011 kl. 03:28]

Þegar fólk talar um Húsavíkur náungann eða Akranes gaurinn sem þá aðila sem það er tilbúið að leggja allt sitt traust á, hvort  er mér eða þeim að förlast í notkun íslenskrar tungu?

Vonandi mér, segi ég!

[gisli (IP-tala skráð) 10.4.2011 kl. 08:04]

tungan er kanski ekki allt, þeir hafa verið sleipir á alþ, það er samstæða sem vantar og góðan foringja ekki peninga gráðuga ligara.