Vogun vinnur, vogun tapar

Svo ólíklega sem það hljómar þá er Sigmundur Davíð Gunnlaugsson framsóknarformaður sennilega sigurvegari þessara kosninga, þrátt fyrir að hann hafi ekki getað komið því til skila við þjóðina hvort hann væri hér, þar eða hreinlega yfirleitt....einhersstaðar.

Eftir flokksþing Framsóknar um helgina er enn óljósara hvað  Framsókn ætlar að gera, vera, hinkra við, fara og koma svo aftur síðar, eða gera það sem öllum kæmi best, hverfa.

Formaðurinn boðaði í setningarræðu sinni sérlega metnaðarfullt markmið flokksins til sóknar. Hann boðaði ekki hvarf  flokksins, heldur stórsókn og flokkurinn yrði, innan fimm ára, ekki aðeins gildur heldur allsráðandi í Íslenskri pólitík.

Slíkur pólitískur metnaður er algernýung  á Íslandi, flokkar hér á landi hafa aldrei áður viljað vera stórir eða haft metnað til valda. Þetta er klárlega ný hugsun, sem hlýtur að falla í kramið hjá nýungagjörnum íslendingum.

Bjarni Ben formaður Sjálfstæðisflokksins er aðal tapari þessara kosninga , ef þannig má að orði komast. Bjarni hefur framið pólitískt HaraKíri. Hann studdi ásamt 11 þingmönnum flokksins þennan Icesave samning, mælti fyrir honum, en kannaðist svo nánast ekki við neitt í sjónvarpinu áðan en varpaði ábyrgðinni á þjóðina.

Hvað ætlar þjóðin að gera með Bjarna?   Svar þjóðarinnar er klárt, honum verður  á haug kastað.

Sigmundur sterkari, veik staða Bjarna

Athugasemdir

[Ragnar Gunnlaugsson, 10.4.2011 kl. 11:41]

Satt segir þú Axel,það er ekki gæfulegt fyrir Bjarna Ben. né nokkurn mann að styðja núverandi stjórnarflokka,en ég veit að Bjarni er það skinsamur maður að  hann lærir á þessu.

[hilmar jónsson, 10.4.2011 kl. 12:37]

Já Ragnar, mig grunar líka að Bjarni sé meira "skinsamur" heldur en skynsamur...

[Bergljót Gunnarsdóttir, 10.4.2011 kl. 14:09]

Farið hefur fé betra! Hvort heldur skin- eða skynsemd hefur ráðið för.