Gimsteinn í Návígi

Jóhannes Kristjánsson, eftirherma, var sjálfum sér líkur, dásamlegur og gleðigjafinn sjálfur út í eitt í þætti Þórhalls Gunnarssonar, Návígi á RUV,  í kvöld sem leið.

Sú skelfilega þrautarganga sem Jóhannes gekk í gegnum hefur blessunarlega ekki svipt hann í neinu af hans dásamlega eiginleika að geta skemmt öðrum á sinn fallega og góða hátt.

Jóhannes er þjóðareign, því er mikilvægt að þjóðin fari vel með þennan dýrgrip sinn, hlúi að honum og verndi, svo hann verði okkar sem lengst.

Þetta er væmið, ég veit það, en satt.

  

Athugasemdir

[Bergljót Gunnarsdóttir, 20.4.2011 kl. 18:28]

Þetta er ekkert væmið, en dagsatt.

 Hann hefur ekki bara komist sjálfur til heilsu vegna dugnaðar, bjartsýni og góða skapsins, heldur hefur hann stutt aðra af öllu afli. Systursonur minn er einn af þeim sem stóðu í þessum sömu sporum og þar sparaði Jóhannes ekki kraftana.

Jóhannes lengi lifi!

[Axel Jóhann Hallgrímsson, 21.4.2011 kl. 16:07]

Takk fyrir þetta innlegg Bergljót.