Heimskan á sér greinilega engin „landamæri“

Ég hélt að þessi aumingja maður Mehdi Kavyan Poor, sem ætlaði að „hita upp“ húsakynni Rauða Krossins, ætti bágt. En hans bágindi eru hégómi einn miðað við þá sálfræðilegu kreppu sem virðast hrjá samtökin „No Borders“, hvaða fyrirbrigði sem það svo er.

Þessi samtök virðast telja það sjálfsagt að menn „labbi sér inn“ hvar sem þurfa þykir, helli yfir sig bensíni með hótunum um íkveikju með tilheyrandi eignaspjöllum, svo ekki sé talað um ógn við líf og limi nærstadda og halda því svo fram að viðkomandi beri ekki nokkra ábyrgð á gjörðum sínum, það geri aðrir.  

Slíkt getur aldrei flokkast undir heimsókn, eins og þessi undarlegu samtök halda fram, heldur er það hrein og klár árás á alla sem í húsinu voru. Samtökin halda því fram að engin sprengihætta hafi verið á ferðum. Eru þau tilbúin að sanna þá kenningu sína, með því að hella bensíni á gólfið á næsta félagsfundi sínum, bíða smástund og kveikja svo á eldspýtu?

Manninum hafði verið synjað um landvistarleyfi, en með lögfræðiklækjum hefur máli hans endalaust verið beint inn á nýjar brautir og dregið á langinn, of lengi, því neitar enginn.

„Glæpur“  Útlendingastofnunar í þessu máli virðist helst sá að hafa ekki fylgt eftir fyrri ákvörðun um brottvísun Mehdi, sem hefur með framferði sínu, enn um hríð, framlengt landvist sína á Íslandi fjarri vinum og fjölskyldu.   

Fái varanlegt hæli á Íslandi

Athugasemdir

[Jón Flón (IP-tala skráð) 9.5.2011 kl. 10:48]

Algjörlega sammála þér. Ekkert í fari þessa manns bendir til annars en að á honum beri að taka harkalega í svona kringumstæðum. Alveg sama hvað hvetur menn til þess að brjóta lög, það getur ekkert réttlætt svona. Annað mál ef hann hefði hótað að kveikja í sér einhver staðar úti í hrauni, svona ef honum var í raun og veru umhugað um öryggi annarra.

Ekki veit ég hvaða No Borders hópur þetta er sem hvetur fólk til að ógna lífi annarra, en persónulega myndi ég nú bara vilja sjá þeim öllum vísað úr landi.

[Axel Jóhann Hallgrímsson, 9.5.2011 kl. 11:00]

Það væri við viðeigandi Jón, að vísa No Borders úr landi, samtökin gætu þá sótt um hæli hjá Mehdi og fjölskyldu hans þegar þau hafa sameinast á ný.

Ég giska á að þessi "samtök" séu ekki stærri en það að sæmilega rúmt sé um þau í símaklefa.

[doctore (IP-tala skráð) 9.5.2011 kl. 11:15]

Gaurinn fyrirgerði öllum rétti þegar hann lagði annað fólk í hættu...

[Axel Jóhann Hallgrímsson, 9.5.2011 kl. 11:18]

Það lætur nærri, doctore.

[Halldór Björgvin Jóhannsson, 9.5.2011 kl. 13:05]

Gaurinn fyrirgerði öllum rétti þegar hann lagði annað fólk í hættu...

Alveg sammála þér þarna, það hefði átt að vísa honum beint úr landi eftir þetta.

[Eyjólfur G Svavarsson, 9.5.2011 kl. 16:48]

Mann greyið var í miklum vanda,og búið að draga mál hans allt of lengi í kerfinu. 7ár er langur tími, og ef ekki er hægt að afgreiða mál á styttri tíma er kerfið meira en lítið bilað. En hann er búinn að fyrirgera rétti sínum með þessu athæfi, og það má ekki láta undan svona hótunum. Því þá verðum við í enn verri málum. Segjum okkur úr Schengen sáttmálanum strax, því fyrr, því betra!!!

[Axel Jóhann Hallgrímsson, 9.5.2011 kl. 19:03]

Það er látið eins og kerfið hafi haldið honum hérna Eyjólfur. Það er í sjálfu sér löngu komin niðurstaða, en lagaklækjum hefur verið beitt til að fá frest á frest ofan. Varla hægt að kenna kerfinu um það þótt það mætti að ósekju bretta upp ermarnar.