Réttlæti eða hefnd?

Þvílíkt réttlæti, halda menn að konugarminum líði eitthvað betur, með því að gera hana að böðli og láta hana með eigin hendi gjalda óþverranum  auga fyrir auga með því að hella sýru í augu hans?

Væri ekki nær fyrir þessa réttsýnu menn, sem þannig dæma, að breyta lögunum til verndar konunum frekar en tryggja þeim hefnd að ódæðinu loknu?

En það er víst ekki hægt, Allah ræður því. Hann mun víst ekki til viðræðu um breytingar á ævafornum siðum frekar en guð kristinna manna.

 

Auga fyrir auga

Athugasemdir

[Einar (IP-tala skráð) 14.5.2011 kl. 03:22]

Samkvæmt fréttinni bað hún sérstaklega um að fá að blinda árásamann sinn. Þessi refsing var semsagt hennar hugmynd.

Allavega kemur þetta mér svosem ekki mjög á óvart, þar sem þetta er land sem lútir klerkastjórn og reglulega nýtir sér dauðarefsinguna.

[Karl J. (IP-tala skráð) 14.5.2011 kl. 03:42]

Ef þetta hjálpar til við að fyrirbyggja sýruárásir á konur í þessum löndum þá styð ég þetta heilshugar!

[Óli minn, 14.5.2011 kl. 08:09]

Mér finnst þetta réttlát refsing ... og segi eins og Karl J. að ef hún hjálpar til við að fyrirbyggja svona ódæði þá eigi hiklaust að beita henni.

[Jóhann (IP-tala skráð) 14.5.2011 kl. 20:29]

Þarna ríkir allt annað réttarfar.

Ætli megi ekki segja að þetta sé eitt úrræði kvenna (af fáum) til að svara fyrir sig, og því hið besta mál.

En vissulega helgar tilgangurinn ekki meðalið.

[Axel Jóhann Hallgrímsson, 14.5.2011 kl. 23:33]

Það er ekkert réttlæti í þessu lögmái frumskógarins.

Ef maðurinn hefði nauðgað konunni, væri réttlætinu fullnægt þegar hún hefði nauðgað honum?