Er hægt að millifæra peninga yfir móðuna miklu?

Séra Harold Camping sem boðaði  heimsendi á dögunum, hefur gefið sínar skýringar á ástæðu þess að enginn varð heimsendisins var.  Camping sagðist ekki hafa mistúlkað biblíuna eða Guðs orð, Guð hefði af visku sinni ákveðið að hafa dómsdaginn ósýnilegan!

Þessi túlkun Harold Camping á heimsendi sínum, sem ekki kom, er fullkomlega eðlileg og rökrétt og í fullkomnu samræmi við aðrar trúarkenningar, sem eru í besta falli þokukenndar og óljósar.

Spádómurinn var auðvitað innantómt kjaftæði hjá Camping, enda byggður, eins og öll trúarrit í heild sinni,  á ævagömlum skröksögum og hindurvitnum sem eiga uppruna sinn í fáfræði og hræðslu.

Það fyndnasta er að Camping ætlar ekki að skila fólki aftur eigum sínum, sem hafði í angist sinni selt allt sitt og gefið söfnuðinum dagana fyrir „endalokin“.

Spurningin er af hverju Camping tók yfir höfuð við þessum fjárframlögum, vitandi að heimsendir væri við húshornið.  Nema auðvitað að hann kunni ráð til að millifæra fé yfir móðuna miklu. 

Sú þekking verður væntanlega eftirsóknaverð af  Björgólfum allra landa.

 

Ósýnilegur heimsendir

Athugasemdir

[Jóhann Elíasson, 24.5.2011 kl. 11:00]

Hann virðist í það minnsta vera talsmaður þess að þetta sé hægt.................

[Axel Jóhann Hallgrímsson, 24.5.2011 kl. 11:09]

Hann á eftir að græða vel á þessu, Jóhann.

[doctore (IP-tala skráð) 24.5.2011 kl. 12:00]

Það má öllum vera það ljóst að Guddi er peningur, peningurinn þinn í vasa prestsins.

Það hlýtur að vera mesta heimska allra tíma, já geðveiki, að trúa fáránlegustu sögum allra tíma, sem trúarbragðasögurnar eru.
Þær eru svo fáránlegar að allir, meira að segja þeir sem trúa myndu segja þessar sögur fáránlega geðveikissögur... ef það væri ekki búið að heilaþvo viðkomandi frá barnæsku, rústa heilanum með dópneyslu..
Sjáið td flesta/alla söfnuði á íslandi sem kallast sértrúarsöfnuðir, þessir söfnuðir byggjast upp með því að einhver X telur sig vera umboðsmann Gudda, nær sér í róna/fíkla/burnouts... skiptir út dópi með hallelujavæli.. svo eignast þetta fólk börn, börnin gera það sem fyrir þeim er haft.. BANG þú ert kominn með söfnuð af "vitleysingum" sem borga laun þín, borga húsið þitt, borga bílinn þinn, styðja þig ef þú ert barnaníðingur/perri...
Thats how religion works... mostly