Spákonuhofið á Skagaströnd

Arnþrúður Karlsdóttir, á útvarpi Sögu,  hefur síðustu tvo morgna farið hamförum út af styrkjum sem Alþingi hefur veitt til Spákonuhofs á Skagaströnd.

Þetta er dæmigerð sleggjudómaumfjöllun Útvarps Sögu. Fullyrðingum skellt fram án þess að hafa fyrir því að rannsaka málið, hafa samband við hlutaðeigandi til að sannreyna söguna eða til að fá fleiri fleti og önnur sjónarmið á málið.

Frú Arnþrúður hefur látið í það skína að styrkirnir til Skagasrandar hafi verið til einnar tiltekinnar spákonu, en því fer fjarri, því nokkur störf eru tengd þessu verkefni, atvinnustarfsemi sem teldist heldur betur gild á höfuðborgarmælikvarða, væri höfðatalan tekinn inn í myndina.

Frú Arnþrúður lætur alveg hjá líða að greina frá nokkru er varðar, Þórdísi spákonu, landnámskonu á Skagaströnd, fóstru Þorvaldar víðförla. Saga Þórdísar er grunnurinn að þessari starfsemi, sem er umfram allt söguleg kynning og frásögn,  þó inn í það sé fléttað dulúð og öðru þessháttar.

Svo blandar frú Arnþrúður smá dassi  af pólitík  í samsæriskenninguna, gefur svo hitt og þetta til kynna til að krydda og styrkja blönduna.  Og sértrúarhópurinn,  sem myndast hefur utan um þessa  útvarpsstöð, sem útvarpar fátt öðru en neikvæðni andskotans, tekur andköf og hrópar hólí maaama!

En svo mikið veit ég um aðstandendur þessarar starfsemi á Skagaströnd, að styrkirnir, sem veittir hafa verið þessari starfsemi, í tíð núverandi ríkisstjórnar, hafa ekki verið út á pólitík, nema síður sé.

Ég óska Spákonuhofi á Skagaströnd og sjálfstæðiskonunum sem þar ráða ríkjum velfarnaðar, svo og annarri sprotastarfsemi á landsbyggðinni, sem á undir högg að sækja, ekki hvað síst vegna fordóma og sleggjudóma þéttbýlisins fyrir sunnan sem heldur að það geti lifað af án landsbyggðarinnar. 

Athugasemdir

[Ásdís Sigurðardóttir, 23.6.2011 kl. 17:47]

Ég hlusta aldei á úrvarp Sögu svo ég hef ekkert heyrt um þetta, vissi reyndar ekkert um þetta spákonuhof en ætla mér að kíkja á það núna, mér finnst frábært að heyra af svona fyrirtæki, all for it. Gangi þeim allt í haginn.

[Axel Jóhann Hallgrímsson, 23.6.2011 kl. 17:53]

Takk fyrir þetta Ásdís. Ég ætla að kíkja sjálfur við hjá "vinkonum mínum" næst þegar ég fer norður. Þetta er spennandi.

[Ásdís Sigurðardóttir, 23.6.2011 kl. 17:58]

Mjög spennandi, örugglega gaman að skoða þetta.

[Axel Jóhann Axelsson, 23.6.2011 kl. 18:25]

Umfjöllun Arnþrúðar er alveg í takt við annað á Útvarpi (Kjafta-)Sögu. Þar er sannleikurinn yfirleitt ekki látinn flækjast fyrir góðum samsæriskenningum og allra síst hefur Arnþrúður fyrir því að afla sér upplýsinga áður en hún fellir sleggjudóma sína um menn og málefni.

[Stefán Júlíusson (IP-tala skráð) 23.6.2011 kl. 19:11]

Svo vonum við að menn láti spá fyrir sér og fái sér svo borgara hjá Hallbirni.

Stundum sér fólk ekki samhengið.  Það er frábært ef styrkir lenda á landsbyggðinni.

[Ingibjörg Axelma Axelsdóttir, 23.6.2011 kl. 21:02]

Hún er bara eitthvað pirruð yfir því að einhver landsbyggðaspákona fékk styrk, en ekki höfuðborgar- og útvarpsnornin, Arnþrúður Karlsdóttir.

[Axel Jóhann Hallgrímsson, 24.6.2011 kl. 09:50]

Takk fyrir innlitin og ykkar innlegg.

[Ásdís Sigurðardóttir, 24.6.2011 kl. 10:38]

:)

[DoctorE (IP-tala skráð) 24.6.2011 kl. 20:24]

Er ekki mikilvægara að setja upp álfa-varnir þarna í Bolungarvík ;)