Fréttamenn í hlandspreng

Árangur Annie Mist í Crossfit er glæsilegur, sem slíkur, ekki spurning um það.  Er ekki rétt að láta árið líða áður en við veljum íþróttamann ársins?

Ég get ekki séð, eins og fyrirsögn fréttarinnar bendir til, að það sé afgerandi vilji viðmælenda, að Annie verði kjörin íþróttamaður ársins, það virðist aðallega vera hlandsprengur fréttamannsins.   

Það er ÍSÍ sem stendur að vali íþróttamanns ársins úr fólki innan sinna vébanda, enginn annar.  Eiga þeir þá ekki að stjórna því hvernig það er gert?   Það er ekki hægt að gera þá kröfu á ÍSÍ að það velji sem íþróttamenn ársins fólk utan sinna vébanda.

Ég efast um að Blaðamannafélag Íslands myndi velja einstakling utan félagsins sem blaðamann ársins þó viðkomandi hefði  komið „frétt ársins“ á framfæri. 

Ekkert óskiljanlegt við það.

   

Vilja Annie sem íþróttamann ársins

Athugasemdir

[Eyþór Örn Óskarsson, 5.8.2011 kl. 14:04]

Góð færsla hjá þér Axel.............

[Guðni Þór (IP-tala skráð) 5.8.2011 kl. 14:25]

Það eru reyndar íþróttafréttamenn sem standa að vali á Íþróttamanni ársins og í reglugerð þeirra um valið segir að aðeins séu gjaldgengir íþróttamenn sem stunda íþróttir sem viðurkenndar eru af ÍSÍ.

[Axel Jóhann Hallgrímsson, 5.8.2011 kl. 14:31]

Rétt Guðni, íþróttafréttamenn velja íþróttamanninn fyrir hönd ÍSÍ. En ÍSÍ á pakkann.

[Skarfurinn, 5.8.2011 kl. 18:01]

Tek undir með þér þetta er umræða á algjörum villigötum. Hún Gunna Dís í morgunútvarpi rásar-2 missti út úr sér í morgun að af því að Annie Mist hefði ekki typpi þá þá gæti hún ekki orðið íþróttamaður ársins hjá ÍSÍ, þvílík firra á rás allra landsmanna.

 Man þá tíð er Jón Páll, Magnús Ver og fleiri unnu stórsigra í afraunamótum þá kom samt aldrei til greina að þeir yrðu kosnir íþróttamenn ársins þar sem þeir voru ekki innan vébanda ÍSI, sama átti við um lyftingamenn í den þrátt fyrir frábæran árangur þeirra.

[Axel Jóhann Hallgrímsson, 5.8.2011 kl. 21:00]

Takk fyrir þitt innlegg Eyþór.

[Axel Jóhann Hallgrímsson, 5.8.2011 kl. 21:03]

Ég held, Skarfurinn, að sumir haldi að öll hreyfing sé íþrótt, en svo er auðvitað ekki.