Algerlega óskiljanlegt

Líkum má að því leiða að þarna hafi verið á ferð ofþroskaðir dýraverndarsinnar, sem ætluðu auðvitað aðeins að klappa bangsa og gæla aðeins við hann í mestu vinsemd.

Bangsi hefur misskilið illa góða og hugljúfa ætlan fólksins og talið þau vera illgjarna veiðimenn sem  ekkert gott hefðu í huga. Fráleitt er að bangsi hafi tekið feil á þessu góða fólki og heitri og safaríkri máltíð.

Óþarfi er að ofþroskaðir dýraverndarsinnar láti þennan atburð hagga þeirri bjargföstu skoðun sinni að ísbirnir séu mestu meinleysisgrey, sé rétt að þeim farið.

Það þarf aðeins að bæta tjáskiptin milli manna og ísbjarna svo þetta endurtaki sig ekki.

  

Lést eftir eftir árás ísbjarnar

Athugasemdir

[Ásdís Sigurðardóttir, 5.8.2011 kl. 16:00]

Það er nokkuð til í þessu hjá þér, menn eiga að umgangast rándýr sem rándýr ekki kisur.

[Axel Jóhann Hallgrímsson, 5.8.2011 kl. 16:11]

Þetta er sorglegur og háalvarlegur atburður og því kannski afskaplega ónærgætið af mér að skrifa um hann á þessum nótum. En í umgengli við þessi dýr er ekki hægt að leyfa sér neina léttúð eða kæruleysi.  

[Ingibjörg Axelma Axelsdóttir, 5.8.2011 kl. 16:55]

Ætli það séu ekki einhverjir íslenskur ísbjarnahvíslarar sem myndu vilja taka að sér að mynda samskipti þarna á milli... á móti vægu gjaldi, auðvitað.

[Axel Jóhann Hallgrímsson, 5.8.2011 kl. 18:51]

Stöð tvö gerði flott grafískt vídeó með fréttinni í kvöldfréttunum þar sem áhorfendur svifu niður úr geimnum á vettvang atburðanna.......og.... úps á Jan Mayen!