Er eftirspurn eftir Kínverskum mannréttindum?

Sagt er að lítill munur sé á kúk og skít og því kom það ekki á óvart þegar þeir félagar Davíð og Halldór ákváðu að prufukeyra Kínverska mannréttindamódelið á Íslandi í tilefni af heimsókn Jiangs Zemins forseta Kína hingað til lands árið 2002.

Þessir tveir helstu talsmenn „frelsis og mannréttinda“ (á fjögurra ára fresti) töldu ekki eftir sér að pólitískt flokka ferðamenn til landsins. Landið var yfirlýst lokað félögum Falun Gong og þeir  sem tilheyrðu þessum mannréttindasamtökum, sem eru bönnuð í Kína, voru óðar sviptir málfrelsi, tjáningarfrelsi og  ferðafrelsi við komuna til landsins og smalað í gettó í Njarðvíkum að þekktri fyrirmynd.

Til að kóróna þessa mannréttindabyltingu létu frelsishetjurnar og mannvinirnir Halldór og Davíð, sig ekki muna um að láta Kínversku leyniþjónustuna stjórna aðgerðum Íslensku lögreglunnar meðan á heimsókn Kínverska mansarínsins stóð.

Kínverjar líða enga gagnrýni á stöðu mannréttinda í Kína og beita bæði pólitískum og efnahagslegum aðgerðum til að þvinga sitt fram.

Það er því dagljóst að efnahagssamvinna við Kínverja verður að þeirra hálfu háð því að við klárum aðlögunarferlið að Kínverska mannréttindamódelinu, sem Davíð og Halldór hófu hér um árið.

Það er athyglisvert að Ólafur Ragnar skuli taka upp þráðinn þar sem Dabbi og Dóri slepptu honum. En væntanlega ekki þarf nema eina skoðanakönnun um málið til að snúa forsetanum á öndverða stefnu.

 

Efli samvinnu Íslands og Kína

Athugasemdir

[Guðmundur Ásgeirsson, 14.9.2011 kl. 10:24]

Það voru Íslendingar handteknir árið 2002 við Geysi fyrir að standa þar með bundið fyrir munninn á táknrænan hátt. Þessir Íslendingar kærðu lögregluna fyrir ólöglega handtöku og unnu málið.

[Axel Jóhann Hallgrímsson, 14.9.2011 kl. 10:38]

Takk fyrir þetta guðmundur, auðvitað, enda var gróflega farið á svig við lög og rétt. 

Það var sýndar myndir í sjónvarpinu þar sem vopnaður Kínverskur leyniþjónustumaður stjórnaði aðgerðum lögreglu á svæðinu, hverja ætti að handtaka.

Magnað!

[Axel Jóhann Hallgrímsson, 14.9.2011 kl. 10:39]

Fyrirgefðu Guðmundur, auðvitað á nafnið þitt að vera með stórum staf.