Samkvæmt öruggum heimildum

Hádegismóri hefur ekki legið á liði sínu að tortryggja öll verk og gjörðir ríkisstjórnainntar með linnulausum flutningi á heimasmíðuðum fréttum sem eru í besta falli hálfsannleikur og útúrsnúningar.  

Nú er seilst enn dýpra í skítabrunna blaðsins og aðför gerð að Sérstökum saksóknara og störf hans gerð tortryggileg. Morgunblaðið unir því eðlilega ekki að meintir glæpamenn, skjólstæðingar blaðsins og dyggir flokksdindlar, sæti rannsóknum og símahlerunum.  

Lágmark er að mati blaðsins að allir heiðarlegir glæpamenn séu látnir vita af því að símar þeirra séu  hleraðir svo þeir geti gætt orða sinna. Sérstaklega finnst Hádegismóra ámælisvert að Sérstakur nýti sér hleraðar upplýsingar við rannsókn málsins og yfirheyrslur.

Þeir voru ekki svona upplýsingaglaðir og viðkvæmir á Mogganum hér á árum áður þegar Sjálfstæðisflokkurinn, í krafti stjórnarsetu, lét hlera síma pólitískra andstæðinga sinna.

Af einhverjum ástæðum rataði það ekki inn á síður Moggans.

Heyra utan að sér um símhleranir

Athugasemdir

[Sigurður (IP-tala skráð) 30.9.2011 kl. 11:35]

Það var ekki núverandi ríkisstjórn sem setti á fót embætti sérstaks saksóknara.

Þvert á móti hefur þessi ríkisstjórn aldrei sýnt neinn áhuga á þessu embætti, og þurfti Eva Joly t.d. á sínum tíma að fara fram í fjölmiðlum með hótanir um að hætta allri aðstoð hérna ef núverandi ríkisstjórn færi ekki að taka sig til og veita þessu embætti alvöru fjármögnun og liðsstyrk.

[Axel Jóhann Hallgrímsson, 30.9.2011 kl. 12:08]

Það var ekki minnst einu orði á faðerni Sérstaks í þessari færslu Sigurður. Hinsvegar er rétt að geta þess að við lokaafgreiðslu á Alþingi var frumvarpið samþykkt með 46 samhljóða atkvæðum - 17 þingmenn voru fjarrverandi!