Leigupenni sægreifana

Gæti það verið að þessi ofuráhugi sem Morgunblaðið leggur á níðskrif um Ólínu Þorvarðardóttur, þessa dagana, tengist eitthvað áhuga hennar á uppstokkun kvótakerfisins?

Þegar litið er á eignarhald Moggans, þarf það ekki að koma á óvart.

Ritstjóri blaðsins er þá sjálfur ekki annað en vesæll leigupenni af aumustu gerð,  eftir öll stóru orðin um þá stétt manna?

Blogg-auki

Nú hefur þessi frétt verið fjarlægð og beðist afsökunar á henni, nei, nei Ólína var ekki beðin afsökunar, heldur lesendur.

Þeim liggur orðið svo á Moggamönnum að níða niður þingmanninn að þeir hafa ekki fyrir því að kanna hvort satt eða rétt sé með farið.  Óttalega klént, verð ég að segja.

 

Athugasemdir

[hilmar jónsson, 1.10.2011 kl. 22:50]

Af hverju ætli fréttinni hafi verið kippt út af mbl.is ?

Missti Móri sig í fljótfærni ?

[Aðalsteinn Agnarsson, 1.10.2011 kl. 22:54]

Flottur!

[Axel Jóhann Hallgrímsson, 1.10.2011 kl. 23:25]

Já, fréttin er horfin, merkilegt.

[Ingibjörg Axelma Axelsdóttir, 1.10.2011 kl. 23:29]

Það er æða miðilsins líka.

Skemmtileg tilviljun.

[Haraldur Hansson, 1.10.2011 kl. 23:32]

Missti af þessari ekki-frétt, en sé að það er komin afsökunarbeiðni á forsíðu. Frekar pínlegt að sjá. Maður verður að kíkja í Smuguna!
(Efast þó um að ritstjórinn sé á kvöldvakt á laugardegi.)

[Axel Jóhann Hallgrímsson, 1.10.2011 kl. 23:36]

Fréttin var skrökulygi, Ólínu var í bráðræði blaðsins eignuð skrif Hilmars Magnússonar á smunan.is

Sakar Landssamband lögreglumanna um ósvífni

21:55 Ólína Þorvarðardóttir alþingismaður segist gapandi hissa yfir ályktun sem lögreglumenn sendu frá sér í dag. Hún segir að svo virðist sem lögreglan hafi verið tekin í gíslingu manna sem vilja beita henni sem pólitísku vopni. Ályktunin sé ósvífin og þeir eigi að biðjast afsökunar á henni. Meira

Þetta bráðlæti styrkir einlægan ásetning blaðsins að nota hvað það sem þeir telja að gagni koma til að sverta Ólínu.

[Axel Jóhann Hallgrímsson, 1.10.2011 kl. 23:39]

Ritstjórinn er sjálfsagt ekki sjálfur á vakt á þessum tíma Haraldur, en tæplega tekur hann dagsskipunina með sér heim.

[Haraldur Hansson, 1.10.2011 kl. 23:54]

Það er rétt Axel, hin ritstjórnarlega ábyrgð getur ekki legið annars staðar en hjá ritstjóra. Það verður einhver að sparka í köttinn á morgun!

[Axel Jóhann Hallgrímsson, 2.10.2011 kl. 00:20]

Þeim á mbl.is þóttu þessi meintu skrif Ólínu með slíkum ólíkindum rætin og ófyrirlitin að úr varð stór frétt um "ógeðið" hana Ólínu Þorvarðardóttur.

En eftir að ljóst varð að mistök höfðu verið gerð og Hilmar Magnússon var í raun höfundur skrifanna, þá virðist blaðið enga löngun hafa á því lengur að kynna þessi rætnu skrif fyrir lesendum sínum.

Og hvernig ætli standi á því?  Jú, blaðið hefur nefnilega enga hagsmuni af því að skrifa illa um Hilmar Magnússon.