Aðför framsóknarkvenna að Vigdísi Hauksdóttur

Á hverju ætti Egill Helgason svo sem að biðja Vigdísi Hauksdóttur afsökunar?  Hvað er það í fari þingkonunnar sem Egill er ábyrgur fyrir, er það eitthvað eitt eða allur pakkinn; heiftin, reiðin, biturðin, ambögurnar og jafnvel  ábyrgðaleysið og ófyrirleitnin.

Annað hvort sjást framsóknarkonur ekki fyrir í viðleitni sinni að breiða yfir bresti og galla þingkonunnar  -  eða að þetta er útpæld aðför framsóknarkvenna að Vigdísi.  Því þetta tiltæki þeirra gerir fátt annað en auglýsa myndbandið og veikja stöðu þingmannsins og var vart á bætandi.

En hvort heldur er, þá kann Vigdís þeim örugglega litlar þakkir fyrir tiltækið.

Takk fyrir framsóknarkonur, þetta myndband hefði farið framhjá mér ef þið hefðuð ekki verið svo almennilegar að vekja á því athygli.

 

Benti einungis á myndbandið

Athugasemdir

[Haukur Kristinsson (IP-tala skráð) 8.10.2011 kl. 22:12]

Er ekki best að láta Gillzenegger sjá um þessar svokallaðar Framsóknarkonur?.

[Axel Jóhann Hallgrímsson, 8.10.2011 kl. 22:14]

Og kenni þeim mannasiði?

[hilmar jónsson, 8.10.2011 kl. 22:39]

Þvílí tæknileg mistök sem kvennahópur Framsóknar er að gera með þessari stór auglýsingu.

Heilsíðuauglýsing í blöðunum um húmorsleysi Vigdísar hefði engu þar við bætt.

[Axel Jóhann Hallgrímsson, 8.10.2011 kl. 22:46]

Það er engu líkara Hilmar, að þetta sé útpælt og með ráðum gert.

[Fv. Ybbar Gogg (IP-tala skráð) 9.10.2011 kl. 00:41]

Leyfi mér að benda á:

http://www.youtube.com/watch?v=i428bRkF4aE&feature=player_embedded

En þetrta er samt ekki einelti. Harðneita því! Svona er þetta bara...

[Fv. Ybbar Gogg (IP-tala skráð) 9.10.2011 kl. 00:42]

Afritist og límist (copy & paste) í vafra að eigin vild.

[Axel Jóhann Hallgrímsson, 9.10.2011 kl. 08:53]

Takk fyrir þetta Fv. Ybbar Gogg. Afar fróðlegt 

"Okkar stefna gengur ekki á það að fara inn okkar stefna er sú að sækja um aðild (að EBE)....." Hvað þýðir þetta, hvað er Vigdís að segja?

"alveg skýr stefna".... segir hún!

Hún vill sækja um aðild að ESB en ekki með það að markmiði að fá aðild! Þetta er ofar mínum skilningi.

Vigdís ætti að temja sér að tala ekki hraðar en heilinn ræður sæmilega við. 

[Ásthildur Cesil Þórðardóttir, 9.10.2011 kl. 10:11]

Eitt er að tala óvarlega eða vitlaust.  Annað er að bloggheimur allur róðist að fólki með hæðni og illvilja.  Ég skammast mín fyrir þetta og líður rétt eins og í lúkasarmálinu.  Af hverju er fólk svona illgjarnt og hefur yndi af að ráðast allir á einn?  ÉG segi það er ljótt. 

[Axel Jóhann Hallgrímsson, 9.10.2011 kl. 10:14]

...svona eins og og árásirnar á Jóhönnu og Steingrím?

[Ásthildur Cesil Þórðardóttir, 9.10.2011 kl. 10:17]

Já það má alveg segja það.  En er ekki málið að þau eru ráðamenn þjóðarinnar og mistök þeirra afdrifaríkari en einhverjir málfrasar frá þingmanni?

[Axel Jóhann Hallgrímsson, 9.10.2011 kl. 11:27]

Þá er þetta í fínum gír, sé mið tekið af magninu. Það sem Vigdís fær yfir sig núna (tvö eða þrjú samanklippt myndbönd) og nokkur blogg er aðeins brotabrot af því sem yfir J&S hellist, hvort heldur miðað er við innihald eða magn.