Ímyndarsmíð

Mogginn reynir hvað hann getur að fegra ímynd Bjarna Ben fyrir komandi formannskosningu í Sjálfstæðisflokknum. Mogginn greinir m.a. frá því að Bjarni hafi tekið upp á þeirri nýbreytni, fyrstur formanna flokksins, að baða sig reglulega, í þeim tilgangi að líta vel út.

Svo er auðvitað nauðsynlegt í svona ímyndarsmíð að koma því að Bjarni hafi marga fjöruna sopið í líkamsrækt og hafi víðtæka þekkingu á því sviði. Þetta er eins og stöðluð ljósku tilsvör í fegurðarkeppnum, þegar þær misskilja sjálfa sig.

En sennilega þarf sterkari efni en vatn og sápu, haldi Bjarni og Mogginn að hann geti þvegið af sér nálykt flokksins.

Þekkir engan sem lítur ekki í spegil

Athugasemdir

[Helgi Rúnar Jónsson (IP-tala skráð) 10.11.2011 kl. 07:50]

He he he...góður Axel.

[Bergljót Gunnarsdóttir, 10.11.2011 kl. 08:32]

En Hanna Birna? Er hún ennþá óböðuð, úr því ekkert minnst á hana?

Er ekki eitthvað erlent modelfyrirtæki til í að ráða þennan nýbaðaða í vinnu, einhvernveginn held ég hann myndi sóma sér vel í auglýsingabransanum, en alveg endilega erlendis.

[DoctorE (IP-tala skráð) 10.11.2011 kl. 10:30]

MBL að reyna að planta inn fölskum minningum um Bjarna.

MBL telur nefnilega að falskar minningar virki, þeir tóku td þann pól í hæðina að Guðrún Ebba væri með slíkar minningar.

Svona er nú krossD

[Ásthildur Cesil Þórðardóttir, 10.11.2011 kl. 10:59]

En mikið er gott að hann Bjarni fer reglulega í bað.   Spurningin er bara hversu reglulega, einu sinni á dag, einu sinni í viku, einu sinni í mánuði, einu sinni  ári..........

[Bergljót Gunnarsdóttir, 10.11.2011 kl. 13:08]

Þetta er hreint alveg dásamlegt, Bjarni Ben hinn hreini.

Bjarni sig baðar oft, oft á dag,

blessaður drengurinn.

Brosandi blíður og flokknum í hag,

brothættur fengurinn.

[Bergljót Gunnarsdóttir, 10.11.2011 kl. 13:12]

Smá  "nasty" leirbull.

[Ásthildur Cesil Þórðardóttir, 10.11.2011 kl. 13:38]

[Jens Guð, 10.11.2011 kl. 15:08]

Allt fram streymir endalaust;

ekki benda á mig.

Bjarni hreini baðar sig

bæði um vor og haust

[Axel Jóhann Hallgrímsson, 10.11.2011 kl. 17:58]

Takk fyrir yndisleg innlegg kæru vinir.