Eins og við var að búast

Ekki trúi ég því að nokkur heilvitamaður hafi reiknað með því í alvöru, að ákvörðun Ögmundar yrði einhver önnur!

Ögmundur vill engar erlendar fjárfestingar á Íslandi, hvaða nafni sem þær nefnast. Punktur og basta.

Nefndi einhver Bjart í Sumarhúsum?

Andvíg ákvörðun Ögmundar

Athugasemdir

[Kolbrún Hilmars, 25.11.2011 kl. 19:00]

Axel, með fullri virðingu fyrir þinni skoðun, þá viðurkenni ég mig algjörlega ósammála henni.

Þessi erlenda fjárfesting snýst bara um jarðasölu. Ennþá! Einstaklingar, 5 manns eða svo, selja landið sitt og fá greitt fyrir það. Auðvitað krukkar skattmann eitthvað í "söluhagnað" en að öðru leyti virkar þetta eins og dæmið um gjafakvótahafana forðum; prívat hagnaður. En ekki skammast útí Bjart - hann fékk aldrei ómótstæðilegt tilboð frá Kína.

Alvöru erlend fjárfesting? Sem samfélagið allt hagnast á?

Hún fylgir ekki með í kaupunum!

[Bergljót Gunnarsdóttir, 25.11.2011 kl. 21:07]

Hjartanlega sammála þér Kolbrún. Ég lifti mínum andlega hatti fyrir Ögmundi.

[hilmar jónsson, 25.11.2011 kl. 23:17]

Já Axel minn, oftast erum við sammála en ekki núna, enda allt í lagi með það.,

Eins og ég sé málið þá er erlend fjárfesting eitt. Annað er sala á 300 ferkílómetrum lands.

[Axel Jóhann Hallgrímsson, 25.11.2011 kl. 23:29]

Raunar er engin yfirlýsing í þessari færslu um mína afstöðu til sölunnar á Grímsstöðum, aðeins að ég telji þessa niðurstöðu Ögmundar hafa verið  óhjákvæmilega og fyrirséða.

Deila má endalaust um söluna með og á móti. En öllu alvarlegri er yfirlýsing Ögmundar um að hann vilji enga erlenda fjárfestingu, af neinu tagi. En að nokkru leiti líka fyrirséð afstaða.

[Ásthildur Cesil Þórðardóttir, 26.11.2011 kl. 11:21]

Tek undir með Kolbrúnu, Bergljótu og Hilmari í þessu máli.