Pólitísku falsspádómsvitringarnir ...

Hafa ekki öll ný framboð fengið stjörnuskot í skoðanakönnunum, fyrst eftir myndun þeirra?

Var ekki Þjóðvaka Jóhönnu spáð í kringum 25 prósentin? Hvað sögðu svo kosningarnar? O.s.f.v.

Skoðanakannanir þessar um nýju framboðin gera lítið annað en fita veski allskonar „fræðinga“ sem koma í viðtöl, gegn greiðslu vitaskuld, og tjá skoðanir sínar á nýgengnum fylgis-skoðanakönnunum og fylgja því gjarnan eftir með tilheyrandi spádómum um afleiðingarnar, fari svo sem þeir spá.

Frekar er það fúlt að hafa slíkt að féþúfu, ekki hvað síst í ljósi þess að aldrei hafa þessir vitringar, sem gengið hafa útrá því að skoðanakannanirnar verði úrslit kosninganna, haft rétt fyrir sér.  

Möguleikar nýju framboðanna

Athugasemdir

[Villi Asgeirsson, 11.2.2012 kl. 20:21]

Láttu ekki svona. Þetta er skemmtilegt efni fyrir þá sem nenna ekki að missa sig í fótboltaspekúleringum.

[Kolbrún Hilmars, 11.2.2012 kl. 20:50]

Öll þessi nýju framboð eru að bítast um vinstri sinnuð atkvæði. Ekkert að gerast á hægri vængnum. Eða eins og pólitíkin hefur hingað til verið skilgreind.

Þessi vinstri slagsíða mun ekki ganga upp. Hvorki pólitískt né eðlisfræðilega.

[Axel Jóhann Hallgrímsson, 11.2.2012 kl. 21:14]

Kolbrún, ertu að segja að ekkert sé að marka Heilaga Lilju þegar hún segir að nýji flokkurinn sé ekki vinstri flokkur?

[Kolbrún Hilmars, 11.2.2012 kl. 22:11]

Segir Lilja það? Ja, ég þekkti líka einu sinni konu sem kallaði köttinn sinn Snata. Ekki það að þetta var hinn vænsti köttur - sem gelti aldrei...

[Heimir Lárusson Fjeldsted, 12.2.2012 kl. 04:09]

Eru berin súr Axel?

[Axel Jóhann Hallgrímsson, 12.2.2012 kl. 14:37]

Þeir komast að því, sem smakka á þeim Heimir. Ætlar þú að fá þér smakk og sleppa hefðbundna réttinum?