Selja lögfræðingar veiðileyfi á sjálfa sig

Mann setur hljóðan þegar verjendur glæpamanna, í sakamáli sem þessu skotárásarmáli, lýsa mannkostum og gæsku umbjóðenda sinna, manna sem sannarlega hafa reynt eftir bestu getu að limlesta mann og annan, eða jafnvel drepa.

En þessum lögfræðingum er vorkunn, þeir eru ráðnir til verksins og ber lögum samkvæmt að leggja sig fram og verja skjólstæðinga sína hvað best þeir geta. Þessir fá eflaust skjólstæðinga sína sýknaða sökum "skorts" á sönnunum, þó aðrir hafi, með hótunum við vitni, eflaust unnið fyrir þá alla vinnuna.

En öðru máli gildir um lögfræðinga sem sérhæfa sig í innheimtu skulda. Þeir geta, sé vilji fyrir hendi, sýnt gagnaðila umburðarlyndi, skilning og samningsvilja.  En oftast er ekkert af þessu í fari þeirra, kröfur eru sóttar af fullkominni óbilgirni og ósanngirni, og gjaldskrá þeirra er þannig að ekki verður á annan hátt orðað á íslensku en að þar fari saman og allt í senn okur, græðgi og hreint  hrægammaeðli.

Hann er óverjanlegur sá hryllilegi verknaður sem var framinn á innheimtulögmannstofu um daginn, en var það ekki bara tímaspursmál að stíflan brysti?

Þarf ekki nýja hugsun á Íslandi á öllum sviðum?

Enginn ásetningur sannaður

Athugasemdir

[DoctorE (IP-tala skráð) 8.3.2012 kl. 08:00]

Nei nei, nú er best að herða innheimtuaðgerðir; Samkvæmt geðlækninum þá hefur ástandið á íslandi aldrei verið betra, það liggur við að þeir þurfi næstum að loka geðdeildum.. Löggan segir líka að ástandið sé mjög gott.. .
Þessi stungugaur, og svo þessi sem barði niður mann frá Dróma.. já og sprengjugaur, eða tveir. Bara tilviljun.
Ég meina, geðlæknirinn væri með fullar geðdeildir alveg frá hruni, það vita jú allir að menn sem eru hrjáðir af geðkvillum, þunglyndi og örvæntingu; Slíkir menn eru afar fljótir að leita sér hjálpar.. það er ekki eins og menn einangri sig og svona, ..
Það er alveg fullkomlega eðlilegt að EKKERT sjáist í tölum frá heilbrigðisstéttum né lögreglu.. eftir algert hrun í heilu landi.Hver hefur ekki séð svona í öðrum löndum, lönd hrynja og ekkert gerist, ástandið batnar.. ha í alvöru

[Haukur Kristinsson (IP-tala skráð) 8.3.2012 kl. 11:38]

Svo virðist sem að stór hópur fólks með pungapróf í lögfræði lifi góðu lífi af því að innheimta skuldir. Þó ekki hjá þeim sem stálu milljörðum. Handrukkarar með flotta hanska, engin hlújárn.

[Axel Jóhann Hallgrímsson, 8.3.2012 kl. 11:49]

Nákvæmlega

[Ásthildur Cesil Þórðardóttir, 8.3.2012 kl. 18:11]

Sammála það er líka ofbeldi að hrekja fólk út í útburð og jafnvel sjálfsmorð.