Ögmundur fær bréf - stingur hann því undir ráðherrastólinn?

Elín Hirst hefur skrifað innanríkisráðherra bréf þar sem hún fer fram á að hann taki viðtal Nýs Lífs við lögreglustjórann á Suðurnesjum til efnislegrar meðferðar. Lögreglustjórinn, sem er mágkona Guðrúnar Ebbu Ólafsdóttur, segist ekki trúa ásökunum Guðrúnar á hendur föður sínum, Ólafi Skúlasyni heitnum.

Lögreglustjóranum er auðvitað frjálst hafa þessa skoðun, en ég er sammála Elínu Hirst að stöðu sinnar vegna hefði hún átt að halda þessari skoðun sinni fyrir sig. Það er fráleitt að hún, sem lögreglustjóri,  geti leyft sér í viðtali við glanstímarit að upplýsa um persónulega skoðun sína á sekt eða sakleysi manna í einstökum málum. Málum sem ekki hafa verið endanlega til lykta leidd.

Lögreglustjórinn hlýtur, sóma síns vegna, að segja af sér, eða að standa frami fyrir brottvikningu ella.

Athugasemdir

[Jón Steinar Ragnarsson, 31.3.2012 kl. 03:09]

Hún pósar líka í fullu júníformi þarna í blaðinu, sem mér finnst frekar svona....jah...

[Axel Jóhann Hallgrímsson, 31.3.2012 kl. 07:40]

Þetta er í bestafalli á dökkgráu svæði.