Bloggfærsla mánaðarins

Hér er slóð á eina fyndnustu bloggfærslu síðari tíma.

 http://jonvalurjensson.blog.is/blog/jonvalurjensson/entry/1233612/

Ég þarf að biðja síðuhafa afsökunar, ég hélt að hann væri gersneyddur öllum húmor. En það þarf mikinn og sterkan húmor til að halda því fram að skoðanakannanir á útvarpi Sögu séu einhver stóri sannleikur.

 

Athugasemdir

[Jón Steinar Ragnarsson, 11.4.2012 kl. 09:03]

Hann viðurkennir jú karlinn í athugasemd að þetta sé ekki sett fram sem neinn stóri sannleikur.  Við skulum halda því til haga að lýðræðishalli fjölmiðla er mikill og það má því eins segja að óformlegar skoðanakannanir á Vísi.i is og Dv séu sama marki brenndar.  Við verðum bara að geta í eyðurnar.

Þessi skoðanakönnun á Sögu, (sem ég hampa ekki sem hlutlausum miðli frekar en öðrum) er allavega heiðarlega fram sett og niðurstaðan ekki túlkuð til að falla að spuna eins og gjarnan gerist í öðrum skoðanakönnunum sem t.d. taka aldrei tillit til svarhlutfalls. Það má svo einnig benda á að mér sýnist úrtakið í þessari könnun vera um helmingi stærra en gengur og gerist, svo þeir fáprik fyrir það.

Það efast annars engin um það að enn heldur Ólafur meirihluta atkvæða í aðdraganda kosninganna. Enn eru ekki allir frambjóðendur komnir fram svo illt er að segja. Ari Trausti er að pæla í framboði. Einn komminn enn. Verði það að veruleika mun það verða vatn á millu Ólafs.

Leyfum Jóni Val að njóta vafans. Það er djörf ályktun að ætla út frá þessu að hann hafi húmor.

[Axel Jóhann Hallgrímsson, 11.4.2012 kl. 12:34]

Niðurstöður í skoðanakönnunum útvarps Sögu eru nær alltaf fyrirsjáanlegar. Bæði er að efni þeirra er eins og klæðskerasaumað fyrir þröngan hlustandahóp Sögu auk þess sem svarendur (úrtakið) velja sig sjálfir. 

Slíkar kannanir eru í besta falli til gamans, þó sumir trúi þeim eins og nýju neti, þegar hentar. Þetta er ekki í fyrsta sinn sem Jón Valur greinir frá "glæsilegum" könnunum á útvarpi Sögu.

Ég taldi víst, Jón Steinar, að þetta mætti skrifa á húmor, ekki vildi ég ætla karlinum að hann hagræða staðreyndum, gegn betri vitund.

Annars hef ég reynt mitt til að fá Jón Val til framboðs til Bessastaða og er m.a. með könnun hér til vinstri til að kanna möguleika hans gegn Bessastaðabóndanum. Sem komið er hallar nokkuð á Jón Val, en taka verður tillit til þess að könnunin telst ekki marktæk, af framansögðu, þar sem þátttakendur velja sig sjálfir.

Ólafur Ragnar nýtur þess klárlega að frambjóðendur verði sem flestir.

[DoctorE (IP-tala skráð) 11.4.2012 kl. 14:44]

Mr JVJ hefur ekki húmor, það er klárt, hugsanlega hefur hann aldrei hlegið í alvörunni :)