Enn og aftur er Ögmundur úti á túni

Það er ekki vandamál að vera sammála Ögmundi að það hafi verið mikið lán að við fengum ekki sæti í Öryggisráðinu á sínum tíma. Þó það sé án efa á ólíkum forsendum.

En þegar Ömmi segir að Svíþjóð hafi verið móralskt stórveldi á sínum tíma, þegar þeir sjálfskipaðir gerðust samviska heimsins og gagnrýndu af offorsi hernaðar- og utanríkispólitík annarra ríkja, er hann heldur betur langt úti á túni.  

Því á sama tíma og Svíar predikuðu öðrum siðferði með vinstri hendi, framleiddu þeir og seldu vopn hverjum sem kaupa vildi, með þeirri hægri. Það var ekkert stórt við þá hegðan Svía annað en hræsnin.

Svíar voru þá, og eru enn, meðal stærstu framleiðenda  og útflytjenda  hergagna í heiminum og þeir langstærstu miðað við höfðatölu.

Það er því misskilningur hjá Ömma að Svíar hafi tekið upp hræsnina og aðra ósiði við inngönguna í ESB. Hún er orðin giska þreytt þessi súra lumma að allt sem miður fer heima og að heiman sé ESB að kenna.

Íslendingar heppnir með höfnun

Athugasemdir

[DoctorE (IP-tala skráð) 2.5.2012 kl. 13:28]

Hann var að tala í kirkju; Menn sem tala í kirkjum þurfa ekki að nota heilann :)

[Axel Jóhann Hallgrímsson, 2.5.2012 kl. 13:46]

En á ekki DoctorE, að segja satt í kirkju?

Kirkjur eru mikið þarfaþing skal ég segja þér. Maður sem ég þekki og tekur allan pakkann, stelur, lýgur, svíkur, hórast o.s.f.v. sem mest hann má alla vikuna.

En þar sem hann er ákafur aðdáandi boðorðanna gengur hann til kirkju í klukkutíma fyrir hádegi á sunnudögum. Þaðan kemur hann svo  hvítskúraður og gersamlega syndlaus með öllu og klár í næstu viku.

[DoctorE (IP-tala skráð) 2.5.2012 kl. 14:07]

Segja satt í kirkju.. jeminneini; Sannleikurinn er mesti óivinur trúarinnar :P
Trú er fancy orð yfir: Hughreystandi lygar