Mál að linni

Það kemur betur og betur í ljós, eftir því sem fleiri og fleiri löglærðir þungavigtarmenn tjá sig um dóm Landsdóms, hvað Geir Hilmar Haarde má vera lukkulegur með þá niðurstöðu sem hann fékk í Landsdóms málinu.

Landsdómurinn,  mun verða umræðuefni  svo lengi sem Geir vill halda lífi í þeirri umræðu með þvermóðsku sinni og rembingi.

Það getur enginn endað þessa umræðu í eitt skipti fyrir öll nema Geir sjálfur. Hann myndi slá botninn í  umræðuna með því einu að stíga fram af auðmýkt og halda ræðuna sem hann hefði átt að flytja í stað fúkyrða súpunnar sem hann jós yfir land og lýð að nýuppkveðnum dómi.

   

Hefðu getað sakfellt fyrir vanrækslu

Athugasemdir

[Haukur Kristinsson (IP-tala skráð) 2.5.2012 kl. 17:37]

Einmitt. Öllum má nú vera ljóst að Geir Haarde má lofa og prísa Guð sinn fyrir það að hafa ekki verið sendir á Kvíabryggju til vinar síns Baldurs. Hann gerði sig greinilega sekan um mun meiri afglöp en fram kam í dómnum.

Kallinn hafði því barasta rétt fyrir sér; “fáránlegt, sprenghlægilegt.”

[Axel Jóhann Hallgrímsson, 2.5.2012 kl. 17:56]

Svo undarlega sem það hljómar Haukur þá er það Geir sjálfur sem dæmir sig til refsingar með aulalegu háttalagi sínu.

[Anna Sigríður Guðmundsdóttir, 2.5.2012 kl. 23:34]

Ingibjörg Sólrún og Björgvin G. Sigurðsson hafa það bara huggulegt, eftir "vel unnin störf". En það er óþægilegt að fara ofan í kjölinn á þeirra þætti í öllu leikritinu. Tölum um allt leikriðið, eða sjáum sóma okkar í að hætta að krossfesta einn fyrir alla.

Vesalingarnir eru enn á ofurlaunum hjá verklýðnum!

M.b.kv.