Höfuðborgarbankinn

Hún er sannarlega undarleg og óvægin þessi ákvörðun Landsbankans að ætla að loka fjölmörgum útibúum sínum á landsbyggðinni og er tryggum  viðskiptavinum bankans til áratuga sannkallað kjaftshögg.

Það er rökrétt framhald af þessum aðgerðum bankans að Landsbankinn skipti hreinlega um nafn og kallist hér eftir Höfuðborgarbankinn.

En það er alger gullmoli að Jón Bjarnason skuli gagnrýna ákvörðun bankans út frá þeirri forsendu að hún fari þvert á stefnu ríkisstjórnarinnar. Það kemur gersamlega flatt upp á Jón Bjarnason, slík hegðun er honum afar framandi.

  

Þvert á stefnu ríkisstjórnarinnar

Athugasemdir

[hilmar jónsson, 26.5.2012 kl. 13:00]

Já, blessaður kallinn hann Jón má vissulega muna sinn fífil fegurri eða "skarpari"

[Axel Jóhann Hallgrímsson, 26.5.2012 kl. 13:10]

Þarna skaut karlinn sig í báða fætur.

[hilmar jónsson, 26.5.2012 kl. 13:15]

Þeir eru nokkrir sem hafa tekið af öll tvímæli um hæfi á tímabilinu Axel.

S.s , Jón, Össur, Lilja, Ögmundur og Árni Páll.

Þetta fólk verður varla í stórum hlutverkum eftir næstu kosningar.

[Bergljót Gunnarsdóttir, 27.5.2012 kl. 20:23]

Vonandi engum!