Heyrir LÍÚ í sjálfu sér?

Það hefur legið ljóst fyrir að útgerðarmenn hafi haft opinn aðgang að ferli kerfisbreytinga sjávarútvegsins og allri vinnu kringum það, en þeir hafnað því alfarið eða hundsað. Núna rísa þeir upp á lokasprettinum, sem nývaknaðir hundar af værum blundi, úrillir og skapstyggir og beita fyrir sig starfsmönnum sínum.

Þessir sömu útgerðarmenn hafa boðað til funda með starfsmönnum sínum næstu daga, til að fara yfir stöðu mála eins og það er orðað. Ætli þeir hafi boðað fulltrúa Alþingis eða stjórnvalda á þessa fundi svo þess sama jafnaðar verði gætt og þeir krefjast eftir á, sér til handa?

Engin viðbrögð frá stjórnvöldum

Athugasemdir

[hilmar jónsson, 4.6.2012 kl. 19:00]

Það setur að manni hroll við framkomu LÍÚ.

Formaður samninganefndar Sjómannafélagsins birtist síðan sem gangandi sönnun þess að mannskepnan er hvorki góð né göfug.

Þvílík rola.

[Axel Jóhann Hallgrímsson, 4.6.2012 kl. 19:04]

Þú meinar þennan Jónas Garðarsson?

[hilmar jónsson, 4.6.2012 kl. 19:11]

Já.

[Ásthildur Cesil Þórðardóttir, 5.6.2012 kl. 09:35]

Það setur líka að manni hroll við að stjórnvöld virðast alltaf gefast upp fyrir frekjunni í þessum örfáu mönnum sem láta svona.  Sama hver er við völdin.  Og ég er sammála ykkur það virðist engin takmörk fyrir frekjunni. 

[Axel Jóhann Hallgrímsson, 5.6.2012 kl. 15:18]

Það er líka á brattan að sækja í þessu máli Ásthildur, mér sýnist m.a. á blogginu að margir leggist á sveifina með LÍÚ, gegn þjóðinni og sjálfum sér til þess eins að svala þörf sinni að vera á móti ríkisstjórninni. Undarlegt það!

[Ásthildur Cesil Þórðardóttir, 5.6.2012 kl. 18:46]

Þetta mál er ekki einfalt, og það sem er ekki gott við frumvarp stjórnarinnar er að það er gefið leyfi til 20 ára og lengur, áður en hægt er að breyta þessu óréttlæti.  Þetta frumvarp er nefnilega ekki það sem við viljum sem viljum réttlæti í sjávarútvegsmálin.