Af góðum heimsóknum - og miður góðum

Núna í vikunni fékk ég góða og sérlega ánægjulega heimsókn. Þar bar að garði bloggvin minn svarthamar, Hvergerðinginn Óskar Helga Helgason. Við Óskar erum fráleitt sammála um alla hluti en bloggvinátta okkar og heimsókn hans og viðræður yfir kaffibolla færðu sönnur á að alla hluti má ræða í bróðerni þótt himinn og haf skilji viðmælendur að, skoðanalega. Takk fyrir innlitið Óskar!

Það eru aðeins einfaldar og einstrengilegar sálir sem ekki þola aðrar skoðanir en þeirra sem eru nákvæmlega á þeirra eigin þröngu skoðanalínu. Rétt eins og blogg sumra hér á moggabloggi sanna. Blogg sem loka hægri vinstri á alla sem ekki eru sammála síðuhafa. Lokun á skoðanir annarra opinbera fátt annað en aumingjaskap síðuhafa.

Einn aðili er óneytanlega fremstur og forhertastur í beitingu útþurrkana og lokana, aðrir standa honum þar langt að baki, þó býsna stórtækir séu, sumir hverjir. Þessi sami maður vílar samt ekki fyrir sér að ryðjast óboðinn inn á blogg þeirra, sem hann hefur sjálfur úthýst, gera sig þar heimakominn  og belgja þar út, sig og sínar skoðanir.

Ég nefni auðvitað engin nöfn en fyrsti stafurinn er Jón Valur Jensson.

   

Athugasemdir

[Ásdís Sigurðardóttir, 11.10.2012 kl. 14:18]

Stundum er gott að nefna engin nöfn, en allt í lagi að láta fyrsta stafinn fljóta með :):) hafðu það gott gamli minn.

[Axel Jóhann Hallgrímsson, 11.10.2012 kl. 14:23]

Svo rétt Ásdís, svo rétt.

Sömuleiðis allt gott til þín. (þori ekki að segja gamla svo ég sleppi því)

[DoctorE (IP-tala skráð) 11.10.2012 kl. 14:40]

JVJ er hræsnari dauðans, ég er viss um það að hann vill ekkert frekar en að setja rannsóknarréttinn á alla þá sem svo mikið sem nefna ESB á nafn, brenna þá á bálkesti hjátrúar og villimennsku

:)

[Axel Jóhann Hallgrímsson, 11.10.2012 kl. 14:50]

Þú ferð örugglega nokkuð nærri, um þetta, DoctorE.

[Óskar Helgi Helgason (IP-tala skráð) 11.10.2012 kl. 15:37]

Heill og sæll Axel minn; sem og aðrir gestir, þínir !

Mín var ánægjan ein; að sækja þig heim á dögunum - um leið; og ég þakka fyrir afbragðs Kaffiveitingarnar, sem og viðtökur allar, syðra.

Jón Valur; mun aldrei ná þeim áttum, sem ég gæti vel unnt honum, fyrr en hann lætur af þeirri Pápízku (Rómversk- Kaþólsku) - og allri fordildinni, sem henni fylgir, og hefir fylgt, frá öndverðu, hins vegar.

Með beztu kveðjum; sem jafnan - og hlakkar mig, til næstu samfunda, Axel Jóhann /  

[Axel Jóhann Hallgrímsson, 11.10.2012 kl. 15:49]

Takk fyrir Óskar, þangað til næst.

[hilmar jónsson, 11.10.2012 kl. 21:22]

Nei hvur djöfull er hann til í alvöru ? Holdlegur og dauðlegur eins og við ?

Ég þarf að heilsa upp á kall næst þegar ég á leið um.

[Ásthildur Cesil Þórðardóttir, 12.10.2012 kl. 01:09]

Þetta hefur verið gott spjall ef ég þekki ykkur drengi rétt.

[Axel Jóhann Hallgrímsson, 12.10.2012 kl. 12:32]

Ég þuklaði nú ekki á honum Hilmar, en mér sýndist hann giska raunverulegur. Já kíktu á karlinn.

[Axel Jóhann Hallgrímsson, 12.10.2012 kl. 12:33]

Já takk Ásthildur, þú ferð nærri um það.