Skítlegt eðli íhaldsins

Það er skítlegt þetta úrspil Sjálfstæðisflokksins, að senda Sigurð Guðmundsson fyrrverandi landlækni út af örkinni til að reyna að bjarga flokknum frá frekara fylgishruni með því að láta hann hrópa á auknar fjárveitingar í heilbrigðiskerfið.

Aukið fjármagn í heilbrigðismálin er auðvitað hið besta mál eitt og sér, ef ekki væri fyrir þá staðreynd að hér er það Sjálfstæðisflokkurinn sem talar og meinar nákvæmlega ekkert með því sem hann segir.

Það er og hefur lengi verið draumur Sjálfstæðisflokksins að rústa heilbrigðiskerfinu í núverandi mynd og koma á kerfi að Bandarískri fyrirmynd þar sem efnahagur sjúklinga ræður alfarið þeirri þjónustu og meðferð sem þeir fá. Nú er lag að þeirra mati, það og ekkert annað ætla þeir sér, komist þeir til valda. 

Í því ljósi er þetta örvæntingarútspil giska broslegt og ekki til fylgis fallið.

Farin fram af bjargbrúninni

Athugasemdir

[Gunnar Th. Gunnarsson, 4.4.2013 kl. 04:25]

Þú ert alveg úti á túni þarna, félagi

[Guðjón Sigþór Jensson, 4.4.2013 kl. 06:09]

Þessi söguskýring þín Axel er athyglisverð enda mjög einkennilegt ef bjarga á öllu rétt fyrir kosningar.

Því miður hefur þróun landsmála farið í auknum mæli í stöðug átök og aukið sundurlyndi þjóðarinnar. Það sýnir sig í nauðaómerku máli sem kennt hefur verið við Icesave. Alltaf var ljóst að yfirgnæfandi líkur væru á að þar yrði góð lending, m.a. vegna þess að útistandandi skuldir Landsbankans innheimtust betur en fyrst var áætlað. Mun alvarlegra er Magma málið sem grefur undan forræði Íslendinga á náttúruauðlindum Reykjanessskagans. Af hverju Sjálfstæðisflokkurinn og Framsóknarflokkurinn beittu sér ekki fyrir því að koma í veg fyrir að erlendur braskari eignaðist stóran hlut í Orkuveitu Suðurnesja var kannski af því að þeir bera meiri virðingu fyrir bröskurum en íslensku þjóðinni.

Um framtíð Reykjaness hefi eg ritað hugleiðingu á blogginu mínu.

Góðar stundir.

[Ásdís Sigurðardóttir, 4.4.2013 kl. 11:31]

Ég setti nú bara alls ekkert samasem merki þarna á milli tel ljóst að það þarf pening í heilbrigðismálin, en sé ekki hvernig Sigurður á bjarga D með því að tala um þetta, þetta er sannleikurinn alveg burtséð frá því hvaða flokk maður kemur til með að kjósa.

[Axel Jóhann Hallgrímsson, 4.4.2013 kl. 12:34]

Kosningabaráttan verður ekki bara óvægin og hörð hún verður trúlega leðjuslagur af grófustu gerð.

Sjálfstæðisflokkurinn er í kreppu, hvernig sem á það er litið. Hann er aðþrengdur úti í horni, niðurlægður og illa til reika. 

Alltaf þegar Sjálfstæðisflokkurinn er í slíkri aðstöðu í kosningabaráttu verður allt leyfilegt , áróðurinn verður skítlegur og persónulegur því tilgangurinn einn verður látin helga meðalið.

Í síðustu kosningum fékk Sjálfstæðisflokkurinn verstu útreið flokksins frá upphafi. En eftir 4 ára stjórnarandstöðu í verstu kreppu Íslandsögunnar með óvinsæla ríkisstjórn við völd, gengur flokkurinn til kosninga og mælist samt með enn minna fylgi en í síðustu kosningum. Enginn hefði trúðað því að óreyndu að þetta væri hægt. 

Þetta er klárlega Íslandsmet ef ekki heimsmet. Skíringin er einföld Allt síðasta kjörtímabil stundaði flokkurinn skemmdarverk, reyndi að spilla öllu sem var hægt að spilla. Sjálfstæðismenn ættu svona einu sinni að spyrja sig hvort það geti verið að ástæðu fylgisleysis sé að leita í þeirra eigin ranni í stað þess að benda á aðra.

Gunnar svona í alvöru, hvor okkar er úti á túni ráðvilltur og skjálfandi, ég eða flokkurinn þinn?

Takk fyrir ágætt innlegg Guðjón.

Ásdís, Sjálfstæðisflokkurinn er í kreppu og þarf nauðsynlega gott innslag. Hvað væri þá heppilegra til þess bæta ímyndina en aðþrengd heilbrigðisþjónustan, ef ekki væri fyrir þann stóra galla að allir vita hvernig íhaldið sér fyrir sér heilbrigðiskerfi landsins í framtíðinni. Þeir vilja það feigt.

[Ásdís Sigurðardóttir, 4.4.2013 kl. 12:45]

Ég veit þeir eru í skítakreppu og bara gott á þá, en ég sé ekki að það geti verið þeim neitt sérstaklega til uppdráttar að styðja heilbrigðiskerfið, vona bara að allir styði það.

[Anna Sigríður Guðmundsdóttir, 5.4.2013 kl. 01:45]

Axel. Það kom fram á þessum fundi, að í fyrsta skipti í mjög langan tíma hefði ekki verið skorið niður hjá Landsspítalanum þetta árið, ef ég hef skilið rétt.

En í mörg ár fyrir hrun hefði verið skorið niður og sparað í þessum spítalamálum, (ef ég hef skilið rétt). Eftir þeim upplýsingum að dæma var sparað hættulega mikið á góðærisárunum, á vakt Sjálfstæðisflokksins. Var það meðvitað verklag Sjálfstæðisflokksins og valdstjórnarinnar á baksviðinu, til að knýja fram byggingu nýja hátæknisjúkrahússins? Ég bara spyr?

Það lítur nefnilega þannig út, frá sjónarhorni gagnrýnandans óháða!

Það er mikilvægt að gagnrýni sé óvægin, hárbeitt og umfram allt sanngjörn, og eins rétt og vitneskja og upplýsingar gefa tilefni til hverju sinni.

M.b.kv.  

[Guðjón Sigþór Jensson, 5.4.2013 kl. 17:39]

Varðandi sjónarmið Önnu og fleiri hér á undan þá verðum við að skoða markmið Sjálfstæðisflokksins í aðdraganda bankahrunsins: Stefnan var að einkavæða sem mest og heilbrigðismálin áttu ekki að vera undanskilin. Þess vegna var skorið óhóflega niður, jafnvel í „góðærinu“, með það að markmiði að gefa einkavæddri heilbrigðisþjónustu forskot. En vinstri menn voru og eru enn tortryggnir gagnvart einkavæðingu og þá sérstaklega heilbrigðiskerfinu.

Einkavæðingaráform Sjálfstæðisflokksins féll sem spilaborg og fall hennar var mikið.

Vinstri menn vilja leggja áherslu á samneyslu, þ.e. með beinum sköttum sem við greiðum í rekstur þjóðfélagsins til að þjóna öllum landsmönnum án tillits til efnahags en ekki einungis þeim ríku með betri þjónustu og hærra þjónustustigi. Þarna er væntanlega það sem þjóðin er að átta sig á, loksins. Sjálfstæðismenn hafa sýnt af sér að í stað „stétt með stétt“ á efnahagur einstaklingsins að vera grundvöllur að þeirra mati fyrir framboði og eftirspurn vöru og þjónustu, þ. á m. heilbrigðisþjónustu. Vinstri menn vilja hafa þjónustustigið sem jafnast og að allir fái að njóta á sanngjörnu verði.

Góðar stundir.