Yfirklór og aflúsun

Forsætisráðherra boðar skipan nefndar sem hafi það eina hlutverk að ritskoða skýrslu rannsóknarnefndar Alþingis um Íbúðalánasjóð í þeim tilgangi að „leiðrétta“ meintar „villur“ í skýrslunni til að aflúsa Framsóknarflokkinn af því klúðri öllu.

 

Græni liturinn á flokkskírteinum „grandvarra“  nefndarmanna verður örugglega hrein tilviljun. Nefndin verður að sjálfsögðu  vel búin að heiman með vönduðum pappírstæturum og digrum yfirstrikunarpennum.

 

Eftir hreingerninguna verður skýrslan að vonum stutt og viðráðanleg lesning fyrir alla meðal Sigmunda.

 

Ekki þarf að efa að svo góður rómur verði gerður að störfum nefndarinnar að henni verði í framtíðinni falin fleiri „hreingerningar verkefni“  við endurritun á spillingarsögu Framsóknar. Það verður mikil og örugg framtíðarvinna.

 

 

 

 

Athugasemdir

[Hallgrímur. A. (IP-tala skráð) 11.7.2013 kl. 00:14]

Það er magnað að það skuli vera mikilvægara að skoða og laga þessa skýrslu frekar en að vinna á þeim vanda sem íls stendur fyrir.

Eins og þú kemur inn á þá lítur þetta svolítið út eins og það eigi að draga klósettpappírinn í gegnum skýrsluna til að þrífa upp skítinn sem tengist framsókn og það verður stórmerkilegt að sjá hvernig þeir eiga eftir að vinna þetta og hver niðurstaðan á eftir að vera.

Spurning hvort það sé ekki rétt að við fáum nefnd til að laga niðurstöðu síðustu kosninga þar sem það fór augljóslega eitthvað úr böndunum þar.

[Axel Jóhann Hallgrímsson, 11.7.2013 kl. 06:33]

Góður punktur, Hallgrímur!