Hvað, vantar 8600 milljónir Kristján? Eruð þið dæmafáu vitleysingjarnir ekki nýbúnir að gefa LÍÚ ríflega þessa upphæð?

Er það ekki yndislegt að sjálfstæðismaðurinn Kristján Þór Júlíusson skuli kalla eftir þjóðarsátt til að verja heilbrigðiskerfið og að þjóðin leggi til 8600 milljónir í því skyni.

 

Þessir peningar voru til, eða á leiðinni í pípurnar. En í stað þess að eyrarmerkja heilbrigðiskerfinu aurana ákvað Kristján og sökunautar hans í Sjálfstæðisflokknum að gefa þá LÍÚ.  Það var ekki kallað eftir þjóðarsátt um þá aðgerð.

 

Svo kemur þetta skoffín,  ber sér tárfellandi á brjóst og boðar þjóðinni að hún leggi til 8.600.000.000 til bjargar heilbrigðiskerfinu,  sem hann og flokkurinn hans eru staðráðnir í að fórna á altari einkavæðingarinnar.

Þegar þeim hefur tekist það ætlunarverk sitt getur Kristján gefið þjóðarátakið til allra bágstöddu auðmanna sem Bjarni Ben hafði hvað mestar áhyggjur af í kosningarbaráttunni.

 

 

 

 

 

 

 

Vantar 8.600 milljónir

Athugasemdir

[Ásthildur Cesil Þórðardóttir, 12.7.2013 kl. 02:37]

Jamm þessi ágæti maður er frændi og vinur Samherja, enda kom hann hingað eins og frelsandi engill og fór svo burtu á miðju kjörtímabili með Gugguna sem alltaf átti að vera gul.... eða þannig. 

[Axel Jóhann Hallgrímsson, 12.7.2013 kl. 15:22]

Ég hygg að mörgum þyki þröngt fyrir dyrum þegar þessir herrar hafa útdeilt öllu sínu "réttlæti".

[Axel Jóhann Hallgrímsson, 14.7.2013 kl. 18:58]

Sko hérna kemur það, ekki þurfti lengi að bíða eftir því.

http://www.visir.is/adrir-faerari-um-ad-reka-heilbrigdisthjonustuna-en-rikid/article/2013130719623

[Baldur (IP-tala skráð) 14.7.2013 kl. 22:08]

Hvurslags steypa, hvers vegna þessi hræðsla við einkavæðingu heilbrigðiskerfisins? Það er óhjákvæmilegt og löngu komin þörf fyrir að einkageirinn fái að gera mikið mun meira í þessu kerfi. Það er til mikilla bóta, gefur augaleið. Enginn að tala um sama kerfi og í Bandaríkjunum þó svo margt gott sé þar að finna. Margir hér sem eru tilbúnir að borga peninga fyrir meiri gæði og jafnvel forgangsþjónustu. Skoffín.. dæmigerðu upphrópun og uppnefni manna sem ekkert hafa rökrétt til málanna að leggja. Hryggir mann að sjá fólk hugsa svona árið 2013.