Ég hafði rangt fyrir mér

Ég hélt að Hringekjan, „skemmtiþátturinn“  með biskupssyninum, sem sýndur var á RUV 2010-2011, myndi  aldrei verða toppaður sem leiðinlegasta  sjónvarpsefnið sem frameitt hefur verið á Íslandi.

Ég verð að viðurkenna að ég hafði rangt fyrir mér. Hringekjan var nánast áhugavert sjónvarpsefni í samanburði við spurningaþáttinn „Vertu viss“ sem fór í loftið á RUV í kvöld.

„Vertu viss er spennuþrunginn skemmtiþáttur þar sem bókstaflega allt getur gerst“, segir í kynningu á RUV.  En það gerist nákvæmlega ekkert, spennan er minni en engin, flatneskjan er alger. Það örlar ekki á skemmtun eða spennu sem er frumskilyrði fyrir áhorfi á þátt sem þennan. Svei mér ef það leynist ekki meira líf í tilkynningalestri á rás 1, en þessu andvana fyrirbæri.

Raunar er erfitt að sjá út á hvað þátturinn gengur og hvaða erindi hann á við áhorfendur. Þátturinn er fullkomin sóun á og peningum og besta tíma sjónvarpsins. Það er annars leiðinlegt að sjá þann stórgóða sjónvarpsmann Þórhall  Gunnarsson verða slíku floppi að bráð.

Vonandi verður þátturinn slegin af sem fyrst.

Athugasemdir

[Sigurður I B Guðmundsson, 9.11.2013 kl. 22:58]

Ég þorði ekki annað en að horfa á þáttinn því ég var svo hræddur að einhver myndi vinna milljónir og nefskatturinn hækkaði sem því næmi.

[Kristján J. Blöndal (IP-tala skráð) 10.11.2013 kl. 11:01]

Mér datt ekki í hug að horfa á þetta,vissi svo sem alveg að þetta væri eitthvað enn eitt ruglið,fékk mér frekar DVD,það er framleitt svo mikið af innantómum óþarfa á Rúv með ærnum tilkostnaði að manni verður alveg lókfall,nefni til dæmis þáttinn 360 gráður sem er bara fíflagangur út í gegn,bestu kveðjur.

[Jón Steinar Ragnarsson, 10.11.2013 kl. 11:34]

Þar sem allt getur gerst, getur líka ekkert gest. Í því liggur spennan. ;)

[Óðinn Þórisson, 10.11.2013 kl. 12:21]

selja rúv og ef enginn vill kaupa leggja niður - málið dutt.

[Axel Jóhann Hallgrímsson, 10.11.2013 kl. 15:04]

RUV leggur víst ekki til verðlaunaféð Sigurður, heldur einhver spilaklúbbur. Löglegur eða ólöglegur, veit ekki! En RUV kostar einhverju til klárlega.

[Axel Jóhann Hallgrímsson, 10.11.2013 kl. 15:06]

Þar varst þú vitrari en ég Kristján. Sömuleiðis bestu kveðjur til þín og þinna.

[Axel Jóhann Hallgrímsson, 10.11.2013 kl. 15:07]

Þarna mátaðir þú mig Jón Steinar, ég áttaði mig ekki á þessu.

[Axel Jóhann Hallgrímsson, 10.11.2013 kl. 15:10]

Óðinn í alvöru, kanntu ekki annan frasa!

[Jón Steinar Ragnarsson, 10.11.2013 kl. 17:10]

Nú verður maður hægðalaus fram á næsta laugardag af spenningi yfir því hvort eitthvað gerist. Tók þá fórn að horfa á þáttinn eftir að hafa lesið ádrepuna þína og jusús min góður hvað þetta var pínlegt.

Ég ráðlegg framleiðendum allavega að sleppa því að segja þátttakendum að vera hressir, léttir og skemmtilegir. Þar fór þetta vel yfir strikið. Ég þurfti í tvennar lopapeysur, ullarsokka og brekán til að ná úr mér aulahrollinum. Mannorð þessa vesalings fólks ber aldrei sitt barr að nýju, nema þá að það eigi enga skömm til.

Þórhallur get out while you still can!