Höfuðvandi Framsóknar er flokkurinn sjálfur

Flestir stjórnmálaflokkar hafa sinn djöful að draga. Misjafnlega stóran og bagalegan -fortíðarvanda. Í því efni á enginn stjórnmálaflokkur Íslenskur í sömu erfiðleikum og Framsóknarflokkurinn. Höfuðvandi Framsóknarflokksins er nefnilega Framsóknarflokkurinn sjálfur - í heild sinni. Aðeins ein lausn er þekkt við þeim vanda – sjálfsvíg!

Öllum er í fersku minni óráðs kosningaloforð Framsóknar, -allt fyrir alla-, fyrir síðustu Alþingiskosningar, hvar flokkurinn laug og sveik sig til sigurs. Svo ekki sé minnst hneykslið í Reykjavík fyrir borgarstjórnarkosningarnar.

Enn bullar formaður Framsóknar, hástemmdar yfirlýsingar og loforð, falla á bæði borð. Sigmundur boðar að endalok notkunar jarðefnaeldsneytis á Íslandi sé handan við hornið, að því sé unnið hörðum höndum. Ætli vel brýndur niðurskurðarhnífurinn sé ekki helsta verkfærið í því máli sem öðrum?

Eðlilegt væri að Framsóknarflokkurinn færi að efna eitthvað af óefndum kosningaloforðum áður en fleiru er lofað. Þeir eru þegar orðnir nokkrum kosningum á eftir sjálfum sér. Þeir gætu t.a.m. byrjað á „Ísland fíkniefnalaust fyrir árið 2000“! Nema auðvitað að þegar sé hafin vinna að því og unnið höndum hörðum að það takmark náist.

En sennilega var bullið í Sigmundi á fundi SÞ ekki ætlað til heimabrúks frekar en annað raup hans erlendis.

Ísland hætti að nota jarðefnaeldsneyti

Athugasemdir

[Helgi (IP-tala skráð) 23.9.2014 kl. 18:32]

Sæll.

Ef menn segjast ætla að hætta að nota jarðefnaeldsneyti verða menn líka að finna út úr því hvað á að nota í staðinn. Þar stendur einmitt hnífurinn í kúnni - það kemur ekkert í staðinn.

Vindmyllur sem framleiða rafmagn drepa árlega mikinn fjölda fugla. Er það í lagi?

Svo má ekki virkja og reisa háspennumöstur því þau eru umhverfislýti. Umhverfisverndarsinnar virðast halda að þeir geti bæði sleppt og haldið.

[Aztec, 23.9.2014 kl. 21:19]

Höfuðvandi Framsóknarflokksins í augnablikinu er Sjálfstæðisflokkurinn.