Fálkaorðan - gjaldfelld vara og marklaust snobb

Sú var eflaust tíðin að það var virðingarvottur og upphefð að vera sæmdur hinni Íslensku Fálkaorðu. En sá tími er löngu liðinn og kemur ekki aftur. Ástæðan er einföld, stórfelld misnotkun á veitingu orðunnar.

Orðunni er dreift frá forsetaembættinu nánast eins og fuglafóður væri. Ráðuneytisstjórar og aðrir tildurembættismenn eru áskrifendur að orðunni. Ekki er nauðsynlegt að hafa til orðunnar unnið, það nægir að hafa átt um hríð jakka á embættisstólbaki á annars mannalausri skrifstofu.

Svo er nóg að rétt snerta á sumum embættum og ding, eitt stykki fálkaorða komin í hús, eins og er með handhafa forsetavalds. Það mætti eflaust spara nokkuð með því að sleppa formlegum snobbferðum til Bessastaða í slíkum tilfellum og láta krossinn einfaldlega fylgja með lyklakippum stjórnvaldsstofnanna.

Með svona ráðslagi á veitingu Fálkaorðunnar eru þeir sem "sæmdir" eru orðunni og hafa virkilega til hennar unnið með framgöngu sinni eða afrekum í þágu þjóðar, gerðir að fíflum.

Í fréttinni er veiting orðunnar til þeirra Sigmundar Davíðs og Einar Kr. Guðfinnssonar réttlætt með upptalningu á öðrum sem fengu orðuna fyrir jafn lítið, eins og t.a.m. Davíð Oddson, Halldór Ásgrímsson, Geir Landsdóm Haarde.

Jóhanna Sigurðardóttir er líka talin upp sem handhafi orðunnar þótt hún hafi, ein allra, sýnt þá reisn að hafna henni. Sem fleiri mættu gera, sem ekki hafa til orðunnar unnið.

Sigmundur sæmdur fálkaorðu

Athugasemdir

[Sigurður K Hjaltested (IP-tala skráð) 25.12.2014 kl. 13:51]

Mikið er ég sammála þér. Sérstaklega þega fólk fær fálkaorðuna fyrir embættisstorf. Að vera verðlaunaður vegna vinnu sem þú átt að gera.

Þetta er ekkert annað en snobb fyrir stjórnmálastéttina og ekkert annað. Engin sem ber virðingu fyrir þessu í dag.

Fékk biskupinn heitinn, ekki allar 5. Fyrir hvað..??

Hafðu góð jól og áramót og gott nýtt ár.

M.b.kv.

[Óskar Helgi Helgason (IP-tala skráð) 25.12.2014 kl. 14:01]

Sæll Axel Jóhann - sem og aðrir gestir þínir !

Tek undir - með ykkur Sigurði K., alfarið.

Enda: telst það hneisa ein í dag að vera íslenzkur borgari / verandi með þetta Apakatta stjórnarfar ríkjandi: í landinu.

Þvílkík hörmung: á öllum sviðum.

Og - ekki er þáttur Ó.R. Grímssonar í öllu skruminu geðfelldari, heldur.

Þar - fer maður: sem hefir brugðist öllum væntingum, um batnandi ráðslag á hlutunum.

Með beztu kveðjum sem endranær - af Suðurlandi / 

[Margrét (IP-tala skráð) 25.12.2014 kl. 14:01]

Ísland er að verða eins og Sovétríkin sálugu, því líkir einræðis taktar. Það næsta verður stytta af honum sjálfum á Arnarhóli við hliðina á Ingólfi Arnarsyni. Þetta er sjúklegt.

[Sigurður Haraldsson, 25.12.2014 kl. 14:06]

Eitt orð um þessa veitingu er ÖMURLEGT!

[Ásthildur Cesil Þórðardóttir, 25.12.2014 kl. 14:24]

Það ömurlegasta við þetta er að það að Sigmundur Davíð skipaði Guðna Ágústsson formann nefndarinnar.  Ég klappa þér og þú klappar mér.  Ég held að menn séu bara algjörlega að fljúga burt frá almennum borgurum þessa lands, og halda að þeir geti gert nánast hvað sem er. 

[valli (IP-tala skráð) 25.12.2014 kl. 14:37]

ég ætla að læra að semja ljóð og gefa út ljóðabók og fá þessa orðu he he 

[valli (IP-tala skráð) 25.12.2014 kl. 14:59]

Ég verð samt að segja að ég er bálreiður yfir þessari skuldaniðurfellingu, ég var ekki með húsnæðislán, ég átti ekki húsnæði á þeim árum sem hækkunin var glórulaus en nú er maður að kaupa húsnæði á offvirði og hvar er sú leiðrétting sem maður í minni stöðu ætti að fá, eigum við sem áttum ekki húsnæði fyrir húsnæðishækkanir að borga brúsan því aðrir geta ekki tekið á sig lækkanir en fá afskriftir á móti og þetta fara skattpeningar í því var ekki hægt að láta alla eldri en 18 hafa kannski 700 þúsund og viðkomandi hefði fengið sína leiðréttingu.

[Hörður B Hjartarson, 25.12.2014 kl. 16:54]

       Gleðileg jól !

   Ég er sammála Axel J. að utan einu atriði; þú segir að þessir menn séu gerðir að fíflum , þar er eg ósammála , því í mörgum tilfellum þá eru þetta fífl fyrir , sem orðuna fá , eða er ekki eitthvað "brogað" við menn sem eiga jakka á embættisstólbaki , eins og þú réttilega nefnir ?

[Axel Jóhann Hallgrímsson, 26.12.2014 kl. 12:41]

Ég tel að þú misskiljir mig Hörður.

"Með svona ráðslagi á veitingu Fálkaorðunnar eru þeir sem "sæmdir" eru orðunni og hafa virkilega til hennar unnið með framgöngu sinni eða afrekum í þágu þjóðar, gerðir að fíflum."

Þarna, eins og ég segi, á ég að sjálfsögðu við þá sem fá orðuna og eru vel að henni komnir gerðir að fíflum með því að skipa þeim í hóp annarra orðuhafa, sem hafa fengið hana fyrir það eitt að vera á launaskrá ríkisins.