Er allt með felldu?

Ef allt hefði verið með felldu hefði Jón Steinar ekki verið skipaður Hæstaréttardómari, gegn tillögu Hæstaréttar!

Jón hatast við Markús Sigurbjörnsson forseta Hæstaréttar, fyrir þá sök að Markús var andvígur skipan hans og fór sennilega ekki leynt með hana. Fyrir vikið er Markús auðvitað glæpamaður í augum hins “mikla lögfræðings“ og hans baklands.

Hver er tilgangur Jóns Steinars með þessum illhvalablæstri? Hann veit mæta vel að Markús og aðrir dómarar við réttinn tjá sig ekki opinberlega um þessar ásakanir hans eða önnur málefni réttarins. Jón Steinar hefur einn dómara við Hæstarétt brotið þá eðlilegu reglu.

Ekki verður annað séð en tilgangur Jóns Steinars sé sá einn að gera Markús og aðra dómara við Hæstarétt vanhæfa að dæma mál sem hann flytur fyrir réttinum. Það er grafalvarlegt mál og spurning hvort ekki bæri samstundis að svipta Jón Steinar lögmannsréttindum sínum, ef allt væri með felldu!

En ólíklegt er að það gerist því Jón Steinar og dómsmálaráðherrann eiga sama baklandið, baklandið sem t.a.m. nauðgaði Jóni inn á Hæstarétt. Baklandið það passar vel upp á sig og sína.

Bæri að höfða mál gegn Markúsi

Athugasemdir

[Þorsteinn Siglaugsson, 3.1.2015 kl. 11:57]

Samkvæmt bók Jóns Steinars hótuðu dómarar neikvæðri umsögn og veittu hana svo, ekki vegna málefnalegs mats, heldur vegna persónulegrar óvildar. Skoðun Jóns Steinars er að slíkt framferði sé brot á starfsskyldum og varði miklu fremur embættismissi en áfengiskaup Magnúsar Thoroddsen á sínum tíma, því Magnús hafi engar starfsskyldur brotið.

Ef þú veist til þess að umrædd lýsing Jóns Steinars sé röng, þá ættir þú endilega að upplýsa um það. Sért þú ósammála því að brot á starfsskyldum eigi að varða embættismissi, gerðu þá endilega grein fyrir röksemdum þínum.

[Axel Jóhann Hallgrímsson, 3.1.2015 kl. 12:06]

Það eru undarleg rök að vitna í Jón Steinar sjálfan máli hans til stuðnings.

[Þorsteinn Siglaugsson, 3.1.2015 kl. 12:11]

Hér er ekki vitnað í neitt neinu til stuðnings, þér er aðeins bent á með hvaða hætti þú gætir rökrætt málið, sértu yfirleitt fær um slíkt.

[Axel Jóhann Hallgrímsson, 3.1.2015 kl. 12:29]

Þú vísaðir í bók Jóns Steinars Þorsteinn og ekki í neitt annað um sannleiksgildi orða hans.Svo aðdróttunum um skort á rökræðu vísa ég til föðurhúsanna.

Ég er sammála því að brot á starfskyldum ætti að leiða til embættismissis, séu þau nægjanlega alvarleg. Það gildir líka um J.S.G.

Ásakanir Jóns Steinars, eru ekki sönnun og því síður dómur.

Eru nærtækast fyrir hann, lögmaðurinn sjálfan, að koma málinu í réttan farveg? Þarf einhver annar að vinna fyrir hann skítverkin?

[Axel Jóhann Hallgrímsson, 3.1.2015 kl. 12:31]

Er ekki nærtækast fyrir hann, lögmanninn sjálfan, að koma málinu í réttan farveg? -átti þetta að vera.

[Axel Jóhann Hallgrímsson, 3.1.2015 kl. 12:33]

Ég sé að ég þarf að bregða mér af bæ, fara í verslunarleiðangur og kaupa þetta merka rit um sannleikann.

[Fv. Ybbar-gogg (IP-tala skráð) 3.1.2015 kl. 13:42]

Góður pistill Axel og vel orðuð andsvör. Ekki mun ég þó kaupa Sannleiksbókina. Minn skeinipappír kaupi ég helst ekki bókabúð og kýs auk þess að hafa hann óbrúkaðan úr vöruhillunni.

[Anna Sigríður Guðmundsdóttir, 3.1.2015 kl. 18:24]

Ég fékk bók Jóhönnu Sigurjónsdóttur og Jóns Steinars Gunnlaugssonar í jólagjöf, en er ekki búin að lesa þær almennilega, af algerri íhugun. Það var gott að ég fékk tvö ólík sjónarhorn.

Þeir sem þekkja mig, skildu að mig langaði að eignast þessar bækur upplýsinga, frá fyrstu hendi ólíkra einstaklinga. Svo er það verkefni mitt að vinna úr því sem ég les í þessum ágætu bókum. Og hafa gaman af. Og skilja betur raunheiminn sem við lifum öll í.

Það er skýrt dæmi um fáfræði/fordóma, að hundsa reynslusögur þerra sem við erum stundum ósammála, sem þekkja lífsbaráttuna, frá sjónarhornum einstaklinga, sem þekkja samfélagið frá ólíkum sjónarhornum.

Sumt fólk hefur svo sterkar hugsjónir og þekkingu í frásagnarfarteskinu, að það er skylda okkar allra að hlusta á frásagnir þessara ólíku sjónarhorna. Hlustum á þá sem segja reynslusögurnar heiðarlegu. Og umfram allt verðum við sem samfélag að hlusta á blessað unga fólkið okkar, sem kannski þekkir ekki haus né sporð af reynslusögunum. Við erum skyldug til að veita unga fólkinu reynslu/þekkingar-veganesti sögunnar inn í framtíðina. Hvort sem þeim eða okkur gamlingjunum finnst það skemmtilegt eða ekki.

Því miður hefur ekki skapast tími og rúm fyrir samskipti fyrir kynslóðirnar ólíku, til að þær læri af blandaðri fortíð og framtíðarþekkingu, í samhengi. Skólayfirvöld ættu að íhuga það.

Það er verkefni okkar allra að leiðbeina og hjálpa hvert öðru af reynslu og þekkingu, og hafa kærleikann að leiðarljósi.

Þannig er sannleiks-upplýstu jafnrétti allra best borgið, þegar til lengri tíma er litið.

Enginn er fullkominn.

M.b.kv.  

[Guðmundur Pétursson, 3.1.2015 kl. 20:12]

Það læðist að manni sá grunur að ekki sé allt með felldu hjá JSG.

[Anna Sigríður Guðmundsdóttir, 3.1.2015 kl. 20:31]

Guðmundur. Það er enginn fullkominn.

Og enginn er hafinn yfir sanngjarna og rökstudda gagnrýni.

Það er sanngjörn krafa, að ætlast til rökstuðnings.

En eins og Jón Steinar segir sjálfur, þá er skiljanlegt að fólk óttist hótanir yfirvaldsins. Falda valdið er svo gífurlega dómara-lögmanna-verndað, að það lítur út fyrir að einungis tilbeðin hjálp engla almættisins algóða ráða við þá sjúku valdafylkingu.

M.b.kv.

[Guðmundur Pétursson, 3.1.2015 kl. 21:43]

Já, það er um að gera að rannsaka þessar ásakanir JSG og komast til botns i málinu.  Það er öllum fyrir bestu.