Sá yðar....

Þessi samkoma við lögreglustöðina er umhugsunarefni. Aðalkrafa fundarins virðist vera að óþarfi sé að fara að lögum, liggi mikið við!

Satt best að segja átti ég alls ekki von á því að á Íslandi væri til svo margt fólk, svo gersamlega syndlaust, að það teldi sig þess umkomið að grýta samborgara sína með hornsteinum réttarríkisins.

„Við þurfum að breytast“

Athugasemdir

[Elín Sigurðardóttir (IP-tala skráð) 10.11.2015 kl. 09:35]

Nákvæmlega.

[Jóhann Kristinsson, 10.11.2015 kl. 19:25]

Já maður hélt að svona uppþot væru bara í þykjastuni í kúrekamyndum frá 1950 til 1970.

Ég hélt að islendingar væru vel menntaðir og flestir með eina eða fleirri háskólagráður, en það er auðséð að þetta lið sem lét sjá sig við lögreglustöðina í gær hefur ekkert lært.

Kveðja frá Houston

[Már Elíson, 11.11.2015 kl. 11:23]

Já, maður skilur ekki þennan æsing í fólki...Það ekkert að því þó að nauðgarar komist upp með verknað og sleppi vegna aumingjaskap lögreglunnar, og fari jafnvel úr landi. - Því að vera að æsa sig yfir því ?

[Jóhann Kristinsson, 11.11.2015 kl. 14:48]

Já bara svona, Már Elíson saksóknari og dómari holræsisdomstolsins hefur talað, þar af leiðandi er það allt rétt og gott sem hann segir og hann hefur sótt og dæmt í þessu máli. 

Ekkert meira um þetta mál að segja, næsta mál.

Kveðja frá Houston

[Axel Jóhann Hallgrímsson, 13.11.2015 kl. 06:08]

Já nákvæmlega Már, komi fram nauðgunarásökun þá er ástæðulaust að ræða það meir, ná bara í reipið og klára málið fyrir kaffi.

Þó einhverjir saklausir væru huslaðir þá væri það bara eðlilegur fórnarkostnaður megi þannig tryggja að "allir sekir" fái makleg málagjöld! Svo á auðvitað í ljósi góðrar reynslu af réttarkerfi götunnar í þessum málaflokki að færa það yfir á öll afbrot.

Auðvitað eiga nauðgarar ekki að sleppa við refsingu, um það er ekki deilt.En einn af hornsteinum réttarríkja Már, er að allir teljist saklausir uns tekist hefur að sanna sekt þeirra. Þá fá þeir sín maklegu málagjöld. Af þessu má engan afslátt gefa, sama hvert brotið er.

Þú fengir dýpri skilning á þessu ákvæði ef Már Elíson sæti undir falskri ákæru.