Hönnuð atburðarás?

Hvaða skoðun sem menn kunna að hafa á Ólafi Ragnari þá er hann eini frambjóðandinn, enn sem komið er, sem atkvæðinu væri eyðandi á.

Eitt vekur samt athygli. Ólafur Ragnar rökstuddi viðsnúning sinn m.a. með því að vitna til atburða liðinna vikna og mótmælum þúsunda manna á Austurvelli, sem kröfðust afsagnar forsætisráðherra og þingkosninga.

Skilja mátti af orðum Ólafs að hann hefði komið því fyrrtalda í kring fyrir þjóðina. En af hverju sveik hann svo þjóð sína um þingrof og kosningar?

Það verður því aðeins skiljanlegt að dramað í kringum fund Ólafs Ragnars og Sigmundar Davíðs á Bessastöðum hafi aðeins verið leiksýning af Ólafs hálfu til að skapa honum kjöraðstæður til upprisu.

„Hlýtur að vera svona einstakur“

Athugasemdir

[Erla Magna Alexandersdóttir, 18.4.2016 kl. 20:29]

óLAFUR ÞARF EKKI LEIKSYNINGU.

 HANN ER  margreyndur í að fást við guttana á alþingi og nú er staðan slik að viðvaningar ráða ekki við hana Það veit okkar forseti. Hann gæti farið á eftirlaun með fullri reisn eftir góðann feril sem farsæll forseti- en hann ákveður þegar erfiðleikar eru í setuliði alþingis að reyna að koma vitinu fyrir fávita.

[Jóhann Kristinsson, 18.4.2016 kl. 21:31]

Sammála Erlu, hefði ekki getað orðað hennar athugasemd betur.

Kveðja frá Houston

[Axel Jóhann Hallgrímsson, 19.4.2016 kl. 06:10]

Gott var að heyra að Ólafur ætlaði að una niðurstöðu kosninganna, jafnvel þótt hann biði lægri hlut. Slíkt gera bara andans stórmenni.

[Hrólfur Þ Hraundal, 19.4.2016 kl. 18:24]

 Leitt hvað síðu hafa tekst illa að leyna raunum sínum.  En skemmtileg hún Erla Magna sem og hann Jóhann að vanda.          

[Axel Jóhann Hallgrímsson, 19.4.2016 kl. 19:47]

Ég sé ekki hvaða raunir eru í því fólgnar Hraundal, að ég telji Ólaf eina valkostinn. Að venju ertu algerlega úti á túni.

[Jóhann Kristinsson, 19.4.2016 kl. 19:56]

Ólafur Ragnar Grímsson er yfir 35 ára aldri og er Íslenzkur ríkisborgari, þar af leiðandi hefur hann kjörgengi og getur boðið sig fram til endurkjörs forseta. Það er lýðræði sem allir eru að kalla eftir.

Það er hvergi í Stjórnarskrá, lögum eða reglum að sitjandi forseti í 20 ár megi ekki gefa kost á sér til endurkjörs.

Svo er það landsmanna hvort Ólafur fær nægilega mörg atkvæði til endurkjörs eða ekki, það er hið fullkomna lýðræði sem allir vilja.

Kveðja frá Houston

[Sigrún Guðmundsdóttir (IP-tala skráð) 19.4.2016 kl. 19:59]

Já, ég segi það með þér Axel Jóhann - Ólafur Ragnar er eini valkosturinn. 

Rökstuðningur viðsnúnings hans með að vitna til atburða liðinna vikna og mótmælum þúsunda (samanlagt hlýtur að vera, það voru víst 30 á sunnudaginn) segir mér bara að hann skynjar þjóðina vel, mótmælendur og ekki síður hinn þögla meirihluta.