Dramb

Bubbi Morthens ætti að láta það vera að tala niður til annarra tónlistarmanna, opinberlega í það minnsta, eins og hann gerði nýlega. Maður sem hefur ekki annað fram að færa en endursemja sama lagið aftur og aftur, ætti að láta slíkt ógert.

Bubbi og menn, sem eru í svipaðri stöðu og hann, verða að hafa það þykkan skráp að þeir þoli neikvæða gagnrýni við og við, án þess að stökkva upp á nef sér.

Sjónvarpsþátturinn „Bandið hans Bubba“ er að mestu misheppnaður þáttur. Ástæða þess er ekki hvað síst drambsemi og tónlistarlegur hroki Bubba. Hann er ekki sjónvarps týpa og hann er fráleitt sá sjarmur sem hann telur sig vera.

Menn geta hreinlega kafsiglt sig með egóisma og hroka. Nægir að nefna Kristján Jóhannsson, sem gekk fram af þjóðinni með frekju og tilætlunarsemi í sambandi við styrktartónleika fyrir nokkrum árum. Við gagnrýni tvíefldist Kristján í sjálfshóli og drambi og fór mikinn.

Útkoman fyrir Kristján var sú,  að diskur sem hann gaf út um þær mundir, seldist ekki, alls ekki. Þjóðinni var misboðið.

  

 

Bubbi og Biggi í hár saman

Athugasemdir

[Stefán (IP-tala skráð) 11.3.2008 kl. 15:42]

Flott samlíking hjá þér á Bubba og Kristjáni Jóhanns. Tæplega vill Bubbi slíkt fall og Kristján mátti þola með sínum hroka, nema að þeir séu í hroka keppni ?

[Landfari, 11.3.2008 kl. 16:58]

Bubbi hefur nú gert marga góða hluti. Það má ekki gleyma því. Hinsvegar er hann ekki orðin alveg nógur frægur að eigin áliti til að geta algerlega slept stjörnustælunum finnst manni stundum.

Er ekki til máltæki sem segir dramb er falli næst. Vona að Bubbi lendi ekki í því sama og Kristján.  Það var virkilega sárt að sjá hvernig hann fór með sig.

[Óskar Arnórsson, 11.3.2008 kl. 19:12]

Það er engin manneskja gallalaus og auðvitað hefur fólk misjafnar skoðanir á fólki sem eru í sviðsljósinu..en stundum lenda menn í keppni í að vera bestur í því að vera verstur, og það er engum til framdráttar...þrætur og þras leysa engin mál..

[Hallgrímur Þór Axelsson. (IP-tala skráð) 11.3.2008 kl. 19:26]

Það hafa allir rétt á að eiga sér skoðanir en ættu þó að hafa vit á því hvernig og hvenær á að koma þeim á framfæri. Þetta var full gróft svar hjá bubba að mínu mati og maður hefði haldið að hann væri nú búinn að læra að það kemur ekkert gott út úr svona skítkasti í gegnum sinn langa feril.

[Axel Jóhann Hallgrímsson, 12.3.2008 kl. 10:15]

Sælir og takk fyrir innlitið.

Mér fannst Bubbi heldur bæta gráu ofaná svart í Kastljósinu í gærkveldi. Og ef fréttamenn nenna að hræra í þessu máli þá "fær Bubbi raflost" og mokar sína eigin gröf.