Goggi segir sigur í vændum

George "dobble Vitleysa" Bush er búinn að vera forseti BNA í 7 ár. Púff.. bara 10 mánuðir eftir af hans valdatíð. Hann skilur við efnahag BNA í rúst. Enginn tekur lengur mark á því sem ríkisstjórnin segir eða gerir í efnahagsmálum. Menn bara bíða eftir því að óværan hverfi af vettvangi.

5 ár eru frá upphafi Íraksstríðsins og enn og aftur kemur mannvesalingurinn fram í sjónvarpi og segir " Við munum vinna þetta stríð".  Allir sem um ástandið í Írak fjalla segja ástandið þar einungis versna.

Ekkert sem Bush gerir þar gengur upp. Glæpum fjölgar, hryðjuverk blómstra, flóttamönnum fjölgar, fangelsi eru yfirfull af fólki sem handtekið var fyrir jafnvel litlar eða engar sakir. Fólki er haldið, fangelsuðu vikum, mánuðum og árum saman án dóms og laga.

Svo horfa landsfeður Íslands á þessa kumpána í Hvítahúsinu með blik í auga og draum í hjarta.

Þessi forseti BNA, hefur með háttsemi sinni ekki fært heiminn nær almennu  frelsi og mannréttindum, heldur þvert á móti, fjær.

BNA eru rúin trausti, hatur í þeirra garð hefur margfaldast. Næsti forseti BNA er ekki öfundsverður af því hlutverki að vinna aftur traust heimsins.

Nei, Bush aldrei meir!

  

„Bandaríkin og Írak öruggari"

Athugasemdir

[Kári S. Lárusson (IP-tala skráð) 19.3.2008 kl. 15:47]

Sæll Axel,

Sem betur fer eru dagar þessa vitfyrrings í embætti senn taldir.  Þetta er hætulegasti maður heims að mínu viti.  Veður um með biblíuna í annari hendi og  byssuna í hinni. 

Maður sem sækir vald sitt til himnafeðga að eigin mati, er stórhættulegur og ættin ekki að ganga laus.

Vonandi fer hann ekki í nýtt stríð fyrir kosningar, til að freista þess að þjappa lýðnum saman undir merki repúblikana.

Kveðja,

Kári Lár 

[Axel Jóhann Hallgrímsson, 19.3.2008 kl. 16:11]

Sæll Kári og takk fyrir innlitið.

Bush klæjar í puttana að hjóla í Íran.  Það er aldrei að vita nema það virki fyrir kosningarnar. Þessari þjóð virðist einkalagið að sneiða hjá allri skynsemi þegar sá gállinn er á henni.

Kannski Ingibjörg og Geir hrópi þá  vestur um haf: Við viljum vera með, við viljum vera með! Leyfið okkur að vera með!

En ég vona að svo verði ekki.

[Gulli litli, 19.3.2008 kl. 17:25]

Bandaríkjamenn ættu að leggja áherslu á að næsti forseti þeirra kunni kannski að lesa og jafnvel tala...

[Ingibjörg Axelma Axelsdóttir (IP-tala skráð) 19.3.2008 kl. 21:29]

Bush náði til að gera svolítið sem hann hefði betur mátt sleppa.

Hann spilaði rosalega mikið inná þetta "Guðs útvalda þjóð" í valdatíð sinni, og margar lagabreytingar og aðrar aðgerðir, voru framkvæmdar í "guðs nafni".

Maður var ekki langt frá því að taka efnahagskerfi BNA og grafa það gjörsamlega, myrti mörg þúsunda saklausa borgara í miðausturlöndum, og kafnaði svo næstum því á saltkringlu.. Og allt í guðs nafni!

Ef eitthvað er, verður arftaki hans heppinn að því leytinu til, að skortur af trausti almennra borgara í BNA og annarra þjóða í heiminum var að mestu til beint að Dubya. Held ég frekar að þetta eigi eftir vera næsta forseta til mikillar lukku frekar en hitt.

Því eftir þetta allt saman, held ég að allir taki skárri kostinum af tvennu illu fagnandi. 

[Axel Jóhann Hallgrímsson, 20.3.2008 kl. 10:51]

Sæll Gulli.

Já það eitt yrði mikil framför. Nú sem stendur eru þau 3 sem eiga möguleika á að verða forseti BNA.  Öll eru þau talandi og skrifandi. Hvað annað varðar verður að koma í ljós.

Sæl Inga.

Það er hart að þurfa að segja það en það hefði ekki verið gott ef kringlan hefði banað Bush. Því þá hefði varaforseta undrið tekið við. Hann er enn öfgafyllri og ruglaðri en Bush, þótt ótrúlegt sé.