Enn einn vellingurinn?

Er líklegt að Lárus rúsínuWellingur hafi byrjað á þeirri vitleysu að segja satt í morgun?

 

Óánægja meðal starfsfólks Glitnis

Athugasemdir

[Markús frá Djúpalæk, 29.9.2008 kl. 14:09]

Lárus Welding, forstjóri Glitnis, var spurður að því í Silfri Egils þann 21. september síðastliðinn hvort hann teldi einhverjar líkur á því að íslenskir bankar yrðu þjóðnýttir líkt og gerst hefur í Bandaríkjunum. Svar hans var stutt: „Alls ekki,“ Sama svar fékkst þegar hann var spurður hvort hann teldi líklegt að Glitnir væri að riða til falls vegna erfiðleika á fjármálamörkuðum.

[Axel Jóhann Hallgrímsson, 29.9.2008 kl. 14:15]

Einmitt.

[corvus corax, 29.9.2008 kl. 15:08]

Það er lítið mál að laga stöðu Glitnis í einum hvelli um 300 milljónir króna. Afturkalla bara skandalgreiðsluna sem Lalli wellingur fékk fyrir að byrja að vinna hjá Glitni. Svo má smálaga miklu meira með því að lækka laun stjórnenda hjá Glitni þannig að hæstu laun verði 500 þús. á mánuði og gera svo enn betur með því að loka risnu- og sukkreikningum stjórnendanna. Svo hlýtur að sparast sjálfkrafa með því að sleppa því að kaupa upp laxveiðileyfin í dýru ánum næsta sumar. Það eru víða gjöfular matarholur í sukkinu þarna...

[Axel Jóhann Hallgrímsson, 29.9.2008 kl. 17:49]

Ætli þeir byrji ekki á því að hækka þjónustugjöldin.

[Heimir Lárusson Fjeldsted, 30.9.2008 kl. 12:58]

Það er vel skiljanlegt að Jón Ásgeir hafi kallað á viðskiptaráðherra og tekið hann á teppið. Búinn að greiða himinháar fjárhæðir í flokksstarfið og neita svo að lána honum nokkra milljarða í taphítina. Ja, svei!

[Axel Jóhann Hallgrímsson, 1.10.2008 kl. 10:16]

Takk fyrir innlitið Heimir. 

Við hvern átti Jón Ásgeir að tala?  Davíð eða  Geir?

Auðvitað talaði hann við bankamálaráðherrann, það gerðu Davíð og Geir hinsvegar ekki, Björgvin var ekki var hafður með í plottinu fyrr en það var nánast um garð gengið. Finnst þér það ekki dulítið duló?

Hvað eru himinháu upphæðirnar raunverulega háar Heimir?

En það er virðingarvert að þú standir með þínum mönnum hvað sem þeir taka sér fyrir hendur.

[Heimir Lárusson Fjeldsted, 1.10.2008 kl. 10:30]

Það er alltaf gaman að skiptast á skoðunum við þig, þar sem við erum báðir svo algeralega lausir við að vera pólitískt litaðir!

Það sem mér finnst athugunarvert er að Jón Ásgeir pantar ekki viðtal við ráðherra eins og ég og þú, heldur boðar hann ráðherra á sinn fund til að hella sér yfir hann svo hressilega að Björgvin G. Sigurðsson stóð eins og ómálga barn á teppinu.

Ekki finnst þér það eðlilega farið með svo góðan sagnfræðing og dreng?

[Axel Jóhann Hallgrímsson, 1.10.2008 kl. 12:29]

Ég hef ekki,  þrátt fyrir sterkar pólitískar skoðanir, hikað við að gagnrýna mína menn ekki síður en aðra, hafi þeir unnið fyrir því. Sem sjá má af bloggfærslum mínum undanfarið hafa þeir fengið sinn skammt. 

Þar sem ég hef enn þokkalega sjón á báðum augum er mér ógerlegt að setja kíkinn fyrir blinda augað.

Mér sýnist þegar atburðir helgarinnar verða gerðir upp muni fundur Björgvins með Jóni, hvor sem kom til hvers, ekki vera það sem honum verði efst í huga og ekki sú ávirðing sem uppúr standi.