Fyrsta bindi Hvítbókar komið út.

Það er grafalvarlegt ef í ljós kemur að FME hefur lagt blessun sína yfir þetta og á þeirri forsendu að annars yrði yfirmannaskortur í bönkunum!  Spyrja má hvort þessir menn hafi einhvern tíma verið hæfir stjórnendur?

Þetta er eins og leiða kófdrukkinn mann undir stýri á rútu fullri af fólki og hann látinn aka, á þeirri forsendu að hann væri sá eini sem hefði rútupróf.

Ef þetta verður látið standa, er dag ljóst hvernig stjórnvöld ætla að standa að verki við „hreingerninguna“.  Sukkinu og svínaríinu verður sópað undir teppið.  Vafasamt er að nokkur önnur þjóð búi yfir jafn mikilli reynslu og státi af jafnmörgum reynsluboltum, í þeirri íþrótt og Íslendingar.   

„Hvítbókin“ svokallaða verður þá nákvæmlega eins og hún var sýnd í Spaugstofunni á laugardaginn.

  

FME hefur ekki samþykkt niðurfellingu skulda

Athugasemdir

[rósa (IP-tala skráð) 3.11.2008 kl. 21:07]

getum við íslendingar ekki kært allt þetta sem er að ske hér til einhverja alþjóðadómstóla. því spillingin hér er svo gríðarleg, og við saklausir íslendingar lendum verst í því og krimmarnir sleppa alveg. þeir halda bara áfram að veifa peningum og eignast meira???'''??????

[Nína S (IP-tala skráð) 3.11.2008 kl. 21:22]

Mikið væri nú gott ef allar skuldir mínar yrðu nú bara felldar niður, hvítþvegnar og ég gæti byrjað á núlli. Það yrði frábært. Er ekki hægt að koma mér í hvítbókina? Það yrði dásamlegt, þar sem tekjurnar rétt skríða yfir 100 þúsundin. Eru ekki allir jafnir á Íslandi, meina við erum jú kristin þjóð, ekki satt?