Köllum sendiherrana heim!

Það ganga um það óstaðfestar sögur og orðrómur að Bretar og Hollendingar beiti þrýstingi og rói að því öllum árum að lánið frá IMF verði ekki afgreitt nema Íslendingar gangi að þeirra ýtrustu kröfum vegna Icesave.

Afgreiðslu lánsins hefur nú þegar verið frestað tvívegis.  Þetta er alger misnotkun á IMF og fjárkúgun af verstu gerð, þannig starfa aðeins skúrkar og alkapónar.

Bretar hafa hafnað tillögu Íslendinga að fara dómstólaleiðina, vitandi um veikan málstað.

Því í ósköpunum kallar ríkisstjórnin ekki sendiherra okkar í þessum ríkjum heim ásamt sendiherra okkar hjá NATO.

Ég er ekki að tala um slit á stjórnmálasambandi. Þessi aðferð hefur verið notuð þegar alvarlegar milliríkjadeilur hafa komið upp og er túlkað sem ýtrasta aðvörun um að stjórnmálasamband viðkomandi ríkja sé í hættu.

Ef Bretar og Hollendingar halda áfram kúgunar aðgerðum og skúrksháttum í okkar garð og skaða okkur frekar tel ég meira en vel koma til álita að slíta formlega stjórnmálasambandi við þá og boða úrgöngu úr NATO.

Einu árásirnar sem Ísland hefur mátt þola á aðildartíma okkar í NATO hafa verið árásir „samherja“ okkar,  „bandamanna“ og „vina“ í þeim ágætu samtökum.

.

.

Burt með spillingarliðið....... og enga Breta hingað til landvarna, aldrei!

 

Dómstólaleiðin greið

Athugasemdir

[Gulli (IP-tala skráð) 7.11.2008 kl. 10:39]

Kalla sendiherran heim... já það á örugglega eftir að gera mikið gagn. Þeir bogna örugglega undan þrýstingi þá. Eða eigum við kannski að vera skynsöm og reyna leysa úr málunum eins og fullorðið fólk?

[Axel Jóhann Hallgrímsson, 7.11.2008 kl. 10:51]

 Gulli, hvernig leysir fullorðið fólk úr svona málum?

[Axel Jóhann Hallgrímsson, 7.11.2008 kl. 11:09]

Hallgrímur, þetta lítur ekki vel út. Við eigum ekki að sitja og láta berja á okkur.

Gulli, hvernig leysir fullorðið fólk úr svona málum?

[sandkassi (IP-tala skráð) 7.11.2008 kl. 13:26]

Ég tek undir þetta hjá þér, kalla þá heim. Hallgrímur, þetta eru ljótar fréttir frá Hollandi.

[Axel Jóhann Hallgrímsson, 8.11.2008 kl. 12:51]

Hallgrímur við skulum bíða og sjá hvort Bretum og Hollendingum takist að koma í veg fyrir lánið. En stór hluti skaðans er að ekkert er gert í því að hamra á okkar málstað við erlenda fjölmiðla og því erum við að tapa áróðursstríðinu. Það er helsti galli okkar Íslendinga að vilja pukrast með alla hluti.

Gunnar, takk fyrir innlitið og undirtektir.

[Axel Jóhann Hallgrímsson, 8.11.2008 kl. 19:03]

Einhver frétt var í dag um að Bretar og Hollendingar hefðu formlega lýst því yfir að þeir gætu ekki stutt lánveitingu til Íslands í IMF nema gengið sé að þeirra kröfum. Það fylgdi með að óvíst væri að lánsumsóknin yrði afgreidd á mánudag eins og sagt var.