Misheppnuð aðgerð

Til hamingju þið sem frömduð þetta nætur verk!  Þið hafið vafalaust ætlað að skaða eigendur Valhallar, en þið uppskerið ekki sem þið sáið, heldur hið gagnstæða.

Svona verk snúast ætíð upp í andhverfu sína. Fórnarlömbin uppskera samúð því allur almenningur hefur óbeit á svona gjörningum.  Þið hafið nú sáð fyrsta samúðarfræinu í garð Sjálfstæðisflokksins, án þess að hann hafi til þess unnið. Nema það hafi verið tilgangurinn.

Valhöll í baði

Athugasemdir

[Alexander Kristófer Gústafsson, 13.11.2008 kl. 15:29]

Það hefur engin samúð með þessum flokki

[Jóhannes Ragnarsson, 13.11.2008 kl. 21:58]

Hver er munurinn á ,,krónískum krata" og þokkalega hægrisinnuðum sjálfstæðismanni?

[Axel Jóhann Hallgrímsson, 14.11.2008 kl. 10:28]

Á þessu tvennu er reginmunur og flestum augljós en fyrir þá sem kjósa að sjá það ekki eru allar útskýringar tímaeyðsla.

[Eva Hauksdóttir (IP-tala skráð) 14.11.2008 kl. 12:37]

Hvar er þessi almenningur sem hefur óbeit á gjörningnum? Allir sem ég hef talað við eru hæstánægðir með þetta.

Annars er ég orðin voða þreytt á þessari klisju um að beinar aðgerðir veiki málstaðinn eða snúist upp í andhverfu sína og skapi þeim sem fyrir þeim verða meiri samúð. Enda getur þú ekki bent á neinar rannsóknir sem sýna fram á það.

[Axel Jóhann Hallgrímsson, 14.11.2008 kl. 18:04]

Eva, ekki er óeðlilegt að fyrstu viðbrögð einstaka aðila geti verið jákvæð gagnvart skemmdaverkum í hita leiks, en vart er frá líður en skiljanlegt að þú heyrir ekki annað, því líkur sækir líkan heim.

Það er öllum afskaplega holt, sem ætla að mótmæla einhverju, að setja sig í spor þess sem fyrir verður, þegar skipulagt er með hvaða hætti er mótmælt.

 Ég er nokkuð viss um að þú hefðir það mjög á hreinu hverskonar geðsjúklingur eða óþverri hefði verið að verki, væri bíllinn þinn eða húsið atað málningu einn morguninn og hefðir lítinn skilning á þessari aðferð mótmælandans að lýsa óánægju sinni með bloggið þitt til að mynda.

Nafnlaus mótmæli í formi skemmdaverka í skjóli nætur eru heigulsháttur af verstu sort.

Ég hef hvergi sagt að "beinar aðgerðir" skaði eða veiki málstað mótmælandans, en mér finnst það sjúkt að sjá skemmdaverk og eignaspjöll sem eina möguleikann á beinum aðgerðum, það þarf enga rannsókn til að sjá það, aðeins heilbrigða hugsun.

[Eva Hauksdóttir (IP-tala skráð) 15.11.2008 kl. 01:03]

Það er langt frá því að skemmdarverk séu eini valkosturinn í beinum aðgerðum en mér finnst alveg sjálfsagt að hafa þau með. Tilgangur skemmdarverka er vitanlega sá að valda andstæðingnum óþægindum og fjárútlátum. Því miður eru þess dæmi að slíkar aðgerðir fari úr böndunum og að saklaust fólk verði fyrir tjóni (sem er væntanlega ekki raunin í þessu tilviki enda getur þetta nú varla talist skemmdarverk) en að fordæma skemmdarverk sem slík vegna þeirrar hættu er svipað og að fordæma notkun bíla vegna þess að sumir aki fullir.

Að setja sig í spor þess sem fyrir verður já; kannski forkólfar Sjálfstæðisflokksins hefðu átt að setja sig í spor skuldsettra fjölskyldna og sparifjáreigenda sem veðjuðu á íslenska efnahagsundrið, áður en  þeir buðu þjóðinni upp á þá lygaþvælu, spillingu og einkavæðingu sem hefur stefnt sjálfstæði okkar í hættu. Nei, veistu ég finn bara ekkert til með þessum gjörspillta feitabolluflokki þótt hann hafi þurft að punga út fyrir háþrýstiþvotti.