Jólabónusinn í ár

Þessir rausnarlegu bónusar blikna hjá „jólabónusnum“ sem útrásarvíkingarnir hafa af gæsku sinni sent Íslensku þjóðinni fyrir að hafa fengið að höndla með fjöregg og eigur þjóðarinnar, að vild, undanfarin ár.

Sjálfstæðisflokkurinn sem lánaði fjöreggið á sínum tíma sér að sjálfsögðu um að útdeila „bónusunum“ til þjóðarinnar af réttlæti og sanngirni.

Vart líður sá dagur að ekki berist nýir „bónusar“  inn um bréfalúgurnar.

Formerkin á upphæðunum eru að vísu önnur í Íslenskum veruleika en í fréttinni, en hver ergir sig yfir slíkum smámunum í miðri sláturtíðinni.

Það er ekki laust við að tár sjáist á hvörmum þessa dagana.

.

 

Ríflegir bónusar

Athugasemdir

[GH (IP-tala skráð) 29.11.2008 kl. 08:56]

Jákvæð frétt.
Þú gast valið að blogga jákvætt um hana eins og hinir sem hafa bloggað um fréttina, en taldir þetta vera upplagt tækifæri til að vera með "sniðuga" kaldhæðni og neikvæðni. 


Sumir verða greinilega að vera neikvæðir þegar tækifæri býðst. Sama hvaða tækfæri...

[Axel Jóhann Hallgrímsson, 29.11.2008 kl. 09:19]

GH, þú gast valið að vera maður en ekki mús og skrifa undir nafni eins og flestir gera en kýst hátt heigulsins að leynast bakvið nafnleynd.

Sumir eru þannig gerðir að þeir vega einungis úr launsátri, ekkert uppbyggilegt og jákvætt við það.

Vonandi að þú sért sátt(ur) við sjálfa(n) þig og megir þú eiga góða daga.