Líkamslýta tíska

Að einhver skuli hafa tekið að sér að tattovera börn undir lögaldri að foreldrum þeirra forspurðum  er alvarlegt mál. Taka verður hart á slíku. Ekki er víst að tattoo ákveðið í bríaríi á unglingsárum verði eiganda sínum til gleði og ánægju þegar til lengdar lætur.

En það er samt skiljanlegt að unglingum langi í tattoo, því tattoo hverskonar er mjög í tísku þessa dagana og enginn maður með mönnum nema hann skarti slíku.

Ekkert er í sjálfu sér við það að athuga þó fólk láti setja fallega mynd á skemmtilegan stað á kroppnum. Slíkt getur jafnvel verið fallegt á að líta, jafnvel rómantískt ef svo ber undir.

En þegar tattooið er farið að þekja mestan hluta viðkomandi líkamsparts, svo ekki sé talað um allan líkamann, þá er þetta farið að líta út eins og klessa og langt því frá að vera augnayndi. Tattoo hefur þann leiða galla að eldast illa með þeim sem það ber. Tattoo sem sett var á stinnan maga eða rass er ekki fallegt þegar viðkomandi líkamspartur er orðin feitur, slappur eða sigin.

Önnur líkamslýta bylgja er svokallað piercing en það er allskonar járnadrasl í öllu hugsanlegu formi og gerðum sem stungið er eða þrætt í líkamann og á hinum undarlegustu stöðum. Kynfæri eru þar ekki undantekning.

Datt í hug að setja með nokkrar myndir sem ég fann með tattoo og piercing. Erfitt er að ímynda sér hvað þessu fólki gengur til. Dæmi hver fyrir sig. Um mig fer hrollur.

  

Húðflúraði hakakross á barn

Athugasemdir

[olia (IP-tala skráð) 14.1.2009 kl. 10:00]

Fréttafluttningurinn er til þess fallin að "hneyksla" og "sjokkera" lesendur með skírskotunum í einhverja siðferðislega "illsku" sem bjánar samfélagsins góðfúslega gleypa við.. OMFG húðflúraði HAKAKROSS á barn *andköf* *hneyksl* þvílík illska, þvílík bilun... Fjölmiðlar eru grátbroslegt fyrirbæri sem reyna að spila stöðugt inn á siðferðisþvætting og tilfinningar lesenda til að fyrir áhorf og gróða.

[Anna Lilja (IP-tala skráð) 14.1.2009 kl. 12:12]

það er rétt að benda á það að þetta var allt gert með samþykki foreldra viðkomandi "barna" sjálf var ég komin með tatto 17ára en þá var lögaldur miðaður við 16ár... Þetta er allt huglægt mat hvers og eins og hver er það sem ákveður siðferði í landi þar sem að íslenskur "aðall" er gerspilltur í gegn og búinn að setja landið á hausinn meðan það nýtur þess að velta sér uppúr illa fengnum peningum sem stolið var úr bankakerfinu...

Ég verð nú bara að segja að sleggjudómar og siðferðisbrestir er eitthvað sem hver og einn verður að gera upp við sjálfan sig... eða ælum við að hverfa aftur í moldbúaháttinn sem við eru nýskriðin uppúr og dæma alla eftir útliti vegna þess að þeir eru öðruvísi og þora að vera til. Sleggjudómar í ljósi fordóma hafa aldrei verið til góðs!

[Axel Jóhann Hallgrímsson, 14.1.2009 kl. 14:42]

Ég sé að ég hef misskilið þetta vitlaust, eins og maðurinn sagði. Ef allir væru tattooveraðir og járnaðir í bak og fyrir þá væri sem sagt betri tíð með blóm í haga. Þetta er sem sagt sönnun þess að við höfum sagt skilið við molbúaháttinn.

Anna, talandi um fordóma þá sýnir þú sjálf fordóma í garð þeirra sem skilja ekki þessa ýktu skreytiþörf.

[Guðný Einarsdóttir, 14.1.2009 kl. 14:54]

Mér finnst þessar skrautlegu myndir sem þú settir inn frekar svona ógeðfeldar

[Gulli litli, 14.1.2009 kl. 15:36]

Ég lít meira að segja sæmilega út við hlið þessara skrýmsla!!!!!!

[Axel Jóhann Hallgrímsson, 14.1.2009 kl. 15:59]

Guðný, ég sver það að um mig fer heiftarlegur hrollur þegar ég sé svona, um þetta er bara eitt orð .... , má ekki segja það upphátt, þá gerist ég víst sekur um fordóma og sleggjudóma, skilst mér.

Gulli, já og þá er nú mikið sagt.