Gagnslaust „hégóma“ drasl.

Ætli umboðsaðili Hydroxycut hafi skýringu á því hvers vegna þetta „hættulausa“ mix þeirra sé ekki markaðssett alstaðar, skili það sama árangri eða réttara sagt árangursleysi og það skaðlega?

Er hægt að treysta framleiðanda sem selur vísvitandi skaðlega vöru ef því er að skipta, sé það ekki beinlínis bannað?

Mér vitanlega er ekki gerð sjálfstæð rannsókn á svona drasli hér á landi heldur stuðst við gögn frá nágranalöndunum þegar söluleyfi er veitt.

Rannsóknir hafa ekki getað sýnt fram á auglýsta verkan efnisins, sem er í besta falli mjög lítil eða engin. Hydroxycut inniheldur m.a. koffein í verulegu magni, króm, pikolínat, salisýlsýru o.fl.

Aukaverkanir af koffeini eru vel þekktar. Hydroxycut og flest lík efni eru gagnslítil eða gagnslaus en veruleg hætta er á aukaverkunum.

Fylkissaksóknari Missouri hefur t.a.m. lagt fram ákæru á hendur framleiðanda efnisins fyrir villandi auglýsingar og beinlínis falsanir við markaðssetningu efnisins.

Einu staðfestu áhrif efnisins eru áhrif þess á veski kaupandans. Þar mun virknin vera prýðileg.

 

 

Annars konar Hydroxycut hér á landi

Athugasemdir

[óli (IP-tala skráð) 2.5.2009 kl. 22:10]

Staðreynd. Hydroxísýra "getur hugsanlega aukið brenslu" Það er semsagt ekki sannað! Og þetta kaupir svo fólk þetta helvíti á 5 til 8000kr! Enn bolli af kaffi mun auka brensliu það er sannað. Svo er hægt að taka inn Efedrin eða Amfetamin og það mun auka brenslu enn að vísu muntu drepa þig á því,enn það skiptir kannski ekki máli!

[Arnar Gísli (IP-tala skráð) 3.5.2009 kl. 00:26]

Sæll

 Vissulega fínir puntar inná milli hjá þér varðandi þetta efni. Hinsvegar hefur það sýnt sig að koffín, grænt te, guarang, l-karnatít, króm, pikolínat og fleiri efni sem flestar fitubrennslutöflur geta stuðlað að aukinni brennslu. Svona töflur eru hinsvar ekki beint ætlaðar fyrir 150kg kyrrsetu offitusjúkling. Þær eru meira hugsaðar fyrir fólk sem vill auka við brennslu sína á æfingum.

Óli það er verulega erfitt að sanna hitt og sanna þetta. Sannanir breytast jafnvel frá degi til dags svo það er ekkert hægt að slá því á fast að þetta sé og sé ekki sannað (svipað og að það var sannað að jörðin væri flöt... þangað til eitthvað annað varð sannað). Það er t.d. ekki sannað að þessar töflur geri neitt fyrir þig. Alveg eins og það er ekki sannað að kaffi virki örfandi á þig. Öll erum við mismunandi og tökum við efnum á mismunandi hátt. Hinsvegar hefur það sýnt sig að þetta getur haft jákvæð áhrif á brennsluna hjá fólki. Hinsvegar vitum við líka að koffín getu haft skaðleg áhrif á fólk til langs tíma en fólk drekkur það nú samt.

[Arnar Gísli (IP-tala skráð) 3.5.2009 kl. 00:28]

Þess má geta að ég er á engan hátt tengdur fyrirtækjum sem selja svona vörur eða hef neina hagsmuni að gæta í tengslum við þetta málefni. Ég hef lesið mig mikið til um neyslu á fæðubótaefnum auk þess sem að nám mitt snýst ma. um næringarfræði.